الماتى قالاسىنداعى شوقان ءۋاليحانوۆ اتىنداعى الاڭدا «AMANAT» پارتياسى قالالىق فيليالىنىڭ ۇيىمداستىرۋىمەن كەلىسىلگەن ميتينگ باستالدى.

ۇيىمداستىرۋشىلاردىڭ ايتۋىنشا، بۇل شارانىڭ نەگىزگى ماقساتى – پرەزيدەنت قاسىم-جومارت توقايەۆتىڭ قازاقستان حالقىنا جولداۋىندا ايتىلعان ساياسي رەفورمالار باعدارلاماسىنا قولداۋ ءبىلدىرۋ.

عىلىم اكادەمياسى عيماراتىنىڭ ماڭىنا شاعىن ساحنا قويىلعان، ترانسپاراتتار ۇستاعان جاستاردىڭ قاراسى كوپ.

ميتينگتە مىنبەرگە شىعىپ ءسوز سويلەگەندەردىڭ قاتارىندا «AMANAT» پارتياسىنىڭ اتقارۋشى حاتشىسى اسحات ورالوۆ، ءماجىلىستىڭ، قالالىق ءماسليحاتتىڭ دەپۋتاتتارى جانە پارتيا بەلسەندىلەرى بار.

– ءبىزدىڭ باعىتىمىز – ايقىن، ماقساتىمىز – ورتاق. ءبىز – كوزى اشىق، كوكىرەگى وياۋ ازاماتتاردى بىرلەسىپ جۇمىس ىستەۋگە شاقىرامىز! باسقا پارتيالار بيلىككە جەتۋدى كوزدەسە، ءبىز ەڭ اۋەلى تاۋەلسىز قازاقستاننىڭ مۇددەسى ءۇشىن جۇمىس ىستەيمىز! ارداقتى اعايىن، اباي اتامىزدان قالعان امانات ءسوز بار: «ءبىرىڭدى قازاق، ءبىرىڭ دوس، كورمەسەڭ ءىستىڭ ءبارى بوس». سوندىقتان، كۇشىمىزدىڭ بىرلىكتە ەكەنىن كورسەتىپ، جاڭا قازاقستاندى بىرگە قۇرايىق! ءبىز بىرگەمىز!، – دەدى اسحات ورالوۆ.

ميتينگ جالعاسىپ جاتىر.