پرەزيدەنتتىڭ باسپا ءسوز حاتشىسى بەرىك ءۋالي قاسىم-جومارت توقايەۆتىڭ بىلتىرعى اتقارعان قىزمەتى تۋرالى ءۇشتومدىق جيناق جارىققا شىققانىن حابارلادى. سوزىنشە جيناققا پرەزيدەنتتىڭ ىشكى ساياسي ءىس-شارالاردا، شەتەلدە وتكەن جيىنداردا سويلەگەن سوزدەرى جانە ونىڭ وتاندىق، حالىقارالىق ماسەلەلەرگە قاتىستى ۇندەۋلەرى مەن مالىمدەمەلەرى قامتىلعان. جيناقتى پرەزيدەنتىنىڭ باسپا ءسوز قىزمەتى قۇراستىرعان. وسى جانە قاڭتار وقيعاسىنان كەيىن پرەزيدەنت اينالاسىندا بولىپ جاتقان وزگە دە جاعدايلارعا قاراپ، ەل ىشىندە بۇل جۇيە توقايەۆتان ەكىنشى نازاربايەۆ جاساۋدى باستاپ كەتتى دەگەن اڭگىمەلەر ايتىلا باستادى.
ن.نازاربايەۆ ەلدى بيلەگەن 30 جىلدا پرەزيدەنتكە جاعىنۋ، ونى ماقتاۋ، ماداقتاۋ، جىلى ءسوز، ءان، ولەڭ ارناۋ، وعان بايلانىستى ارنايى باستامالار كوتەرۋ، ۇسىنىس ايتۋ بەلەڭ الدى. ءتۇرلى تەڭەۋلەر دۇنيەگە كەلدى، تۇڭعىش پرەزيدەنتتى اسپەتتەگەن تىركەس، ۇيقاس سوزدەر شىقتى. رەسمي جيىن، ءىس-شارالاردىڭ بارىندە دەرلىك نازاربايەۆتىڭ سوزدەرىنەن سيتاتا كەلتىرۋ ادەتكە اينالدى. وسىلايشا، نازاربايەۆتان كۋلت جاسالدى.
ەندى مىنە، قاڭتار وقيعاسىنان كەيىن بيلىككە تولىقتاي قولى جەتكەن توقايەۆقا بايلانىستى سونداي جايتتار بايقالىپ، تاريح قايتالانىپ بارا جاتقانداي.
ماسەلەن، كۇنى كەشە عانا پرەزيدەنت جولداۋى افريكاداعى ەفيوپيا ەلىندە تالقىلانعانى تۋرالى اقپارات شىقتى. جيىن بارىسىندا قازاقستاننىڭ ەفيوپياداعى ەلشىسى بارلىباي سادىقوۆ پرەزيدەنت جولداۋىنىڭ نەگىزگى باعىتتارىن ايتىپ، قازاقستانداعى ساياسي جۇيەنىڭ تۇبەگەيلى وزگەرۋى، "حالىق ۇنىنە قۇلاق اساتىن مەملەكەت" تۇجىرىمداماسىن ىسكە اسىرۋعا باعىتتالعان الەۋمەتتىك-ەكونوميكالىق رەفورمالار تۋرالى ايتىپ بەرگەن.
نازاربايەۆ تۇسىندا دا پرەزيدەنت جولداۋىنان كەيىن ونى قولداۋ شارالارى جاپپاي وتەتىن. جولداۋ تۋرالى "ەلدىڭ دامۋىن، باعىت-باعدارىن ايقىندايتىن ستراتەگيالىق قۇجات، "دامۋدىڭ داڭعىل جولىنا باستايتىن قۇجات" دەگەن سوزدەر كوپتەپ ايتىلاتىن.
18 ناۋرىزدا "جاڭا قازاقستان" جاستار قوزعالىسى قۇرىلۋىنا وراي ۇيىمداستىرىلعان ارنايى فەستيۆالدە "ناش پرەزيدەنت – تيگر" ("ءبىزدىڭ پرەزيدەنت – جولبارىس" – قازاقشا) دەگەن لوزۋنگ ايتىلعانى الەۋمەتتىك جەلىدە وتكىر سىنعا تاپ بولدى.
پوسموترەت ەتۋ پۋبليكاسيۋ ۆ Instagram
ارتىنشا جيىنعا ستۋدەنتتەردى ماجبۇرلەپ اپارعانى تۋرالى اقپاراتتار شىقتى.
پوسموترەت ەتۋ پۋبليكاسيۋ ۆ Instagram
6 ناۋرىز كۇنى پرەزيدەنتتىڭ باسپا ءسوز قىزمەتى جۇرگىزەتىن بورت N1 تەلەگرام كانالىندا توقايەۆتى "01" دەپ اتادى.
پىكىر قالدىرۋ