الماتى اكىمى ەربولات دوسايەۆ زيالى قاۋىم وكىلدەرىمەن كەزدەستى. كەزدەسۋ بارىسىندا قالا باسشىسى ادامي كاپيتالدىڭ جوعارى ساپاسىن، ونىڭ ىشىندە الماتىنىڭ عىلىمي، شىعارماشىلىق جانە مادەني الەۋەتىنىڭ زور ەكەنىن اتاپ ءوتتى.

كەزدەسۋگە بارلىعى 40-تان استام ونەر، مادەنيەت جانە عىلىم قايراتكەرلەرى، سونىڭ ىشىندە تەاتر جانە كينو، ەسترادالىق جانە حالىق مۋزىكاسى، ادەبيەت، بەينەلەۋ، مونۋمەنتتىك جانە قولدانبالى ونەر، مۋزەيتانۋ، ساۋلەت جانە ت.ب. وكىلدەرى قاتىستى.

الماتى اكىمى كەزدەسۋگە قاتىسۋشىلارعا قازاقستان مادەنيەتىنە قوسقان ۇلەستەرى ءۇشىن العىسىن ءبىلدىردى، سونداي-اق شىعارماشىلىق زيالى قاۋىمنىڭ جاستاردى ادامگەرشىلىككە تاربيەلەۋدەگى جانە ونەر مەن ادەبيەت ارقىلى قوعامعا جوعارى جالپىادامزاتتىق قۇندىلىقتاردى سىڭىرۋدەگى ماڭىزدى ءرولى مەن ماڭىزىن اتاپ ءوتتى.

ەكى ساعاتتان استام ۋاقىتقا سوزىلعان كەزدەسۋ بارىسىندا زيالى قاۋىم وكىلدەرى ونەر مەن ادەبيەتتىڭ دامۋ دەڭگەيى، شىعارماشىلىق شەبەرحانالاردى ۇيىمداستىرۋ قاجەتتىلىگى، ءداستۇرلى مۋزىكانى دامىتۋ، قالا مۋزەيلەرىن جاڭعىرتۋ جانە ت. ب. وزەكتى ماسەلەلەردى كوتەردى.

ەربولات دوسايەۆ الماتى ەلىمىزدىڭ مادەني جانە عىلىمي ورتالىعى بولىپ تابىلاتىنىن، سونداي-اق شىعارماشىلىق جوبالاردى ىسكە اسىرۋعا جاردەمدەسۋگە جانە جالپى ونەر مەن مادەنيەتتى دامىتۋعا كوڭىل بولۋگە دايىن ەكەنىن ايتتى.

قالا اكىمى شىعارماشىلىق ينتەلليگەنسيا وكىلدەرىنە ولاردىڭ يدەيالارى ءۇشىن العىسىن ءبىلدىردى، سونداي-اق اتقارىلعان جۇمىستاردىڭ ناتيجەلەرى جانە ۇتىمدى پىكىرلەرمەن الماسۋ ءۇشىن وسىنداي كەزدەسۋلەردى تۇراقتى نەگىزدە وتكىزۋدى ۇسىندى.