تامارا دۇيسەنوۆا ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالدى.
"تامارا بوسىمبەك قىزى دۇيسەنوۆا قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالسىن، ول قازاقستان رەسپۋبليكاسى پرەزيدەنتىنىڭ كومەكشىسى – قازاقستان رەسپۋبليكاسى پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى لاۋازىمىنان بوساتىلسىن" دەلىنگەن پرەزيدەنت جارلىعىندا.
تامارا دۇيسەنوۆا بۇعان دەيىن اتالعان مينيسترلىكتى 2013-2014 جىلدارى جانە 2017-2018 جىلدارى ەكى مارتە باسقارعان. ول ەكىنشى رەت مينيستر بولىپ تۇرعاندا 2018 جىلى ەكس-پرەزيدەنت نۇرسۇلتان نازاربايەۆتىڭ "ءوزىن-وزى جۇمىسپەن قامتىعان حالىققا قاتىستى رەفورمانى جۇزەگە اسىرا المادىڭ" دەگەن سىنىنان كەيىن قىزمەتىنەن كەتكەن.
پىكىر قالدىرۋ