ۆەدومستۆوارالىق تەرگەۋ توبى (ۇقق، انتيكور، قما) بولات نازاربايەۆتىڭ مەملەكەتتەن كەڭ كولەمدە اقشا جىمقىرۋ فاكتىلەرىن، جانە ەڭ باستىسى "قاڭتار وقيعاسىن" ۇيىمداستىرۋعا قاتىسىن دا ىزدەستىرۋدە. بۇل تۋرالى "DALA ينسايد" تەلەگرام-كانالى كانالى حابارلادى. تەلاگرام كانال مۇنداي مالىمەتتى ءوزىنىڭ ورگاندارعا جاقىن دەرەككوزى بولىسكەنىن جازادى.
"ونىڭ ايتۋىنشا، قايرات ساتىبالدىنى تەرگەۋ پروسەسسىنىڭ ەكونوميكالىق كەزەڭى اياقتالۋعا جاقىن جانە قازىرگى فوكۋس "قاڭتار وقيعاسىن" ۇيىمداستىرۋ بارىسىنا اۋىستى. تەرگەۋ وسى ىستەرگە بولات نازاربايەۆتىڭ قاتىسى بار ما، سونى بىلگىسى كەلەدى. ءبىراق، سوڭعى اقپاراتتار بويىنشا ونىڭ ءوزى قازاقستاندا جوق. قىرعىزستاننىڭ kloop.kg اقپارات اگەنتتىگى بولات نازاربايەۆتىڭ قاڭتار وقيعاسى كەزىندە بىشكەك ارقىلى دۋبايعا ۇشىپ كەتكەنىن حابارلاعان بولاتىن. ودان كەيىن اشىق دەرەكتەردە ونىڭ قازاقستانعا ورالعانى جونىندە اقپارات شىققان ەمەس" دەلىنگەن اقپاراتتا.
اقپاراتتىڭ راس-وتىرىگىن تەك رەسمي ورگاندار عانا راستاي الادى.
ەكس-پرەزيدەنت نۇرسۇلتان نازاربايەۆ پەن ونىڭ وتباسى مۇشەلەرىنە ايرىقشا ستاتۋس بەرەتىن "قازاقستان رەسپۋبليكاسىنىڭ تۇڭعىش پرەزيدەنتى - ەلباسى تۋرالى" زاڭعا سايكەس، نازاربايەۆ پەن وتباسى مۇشەلەرىن قىلمىستىق جاۋاپكەرشىلىككە تارتۋعا بولمايدى. سوندىقتان قۇزىرلى ورگانداردىڭ بولات نازاربايەۆتى تەرگەي الاتىنى، يا المايتىنى ناقتى بەلگىلى ەمەس. الايدا جۋىردا ادىلەت ءمينيسترى قانات مۋسين اتالعان زاڭ ەلباسى جانە ونىمەن بىرگە تۇراتىن وتباسى مۇشەلەرى عانا قولدانىلاتىنىنا نازار اۋدانىپ، نازاربايەۆتىڭ نەمەرە ءىنىسى قايرات ساتىبالدىنى قاماۋعا الۋ ەلباسى تۋرالى زاڭعا قايشى كەلمەيتىنىن ءمالىم ەتكەن.
پىكىر قالدىرۋ