ۇلىبريتانيا سوعىستى زەرتتەۋ ينستيتۋتى رەسەيدىڭ ۋكرايناعا باسىپ كىرۋىندەگى ىلگەرىلەۋى باياۋ ءجۇرىپ جاتقانىن ءمالىم ەتتى. ۋكرايناداعى سوعىسقا بايلانىستى سوڭعى اقپاراتتار قىسقاشا تومەندە ۇسىنىلىپ وتىر.
♦ رەسەي ەنەرگەتيكا الپاۋىتى گازپروم رۋبلمەن تولەۋدەن باس تارتقان پولشا مەن بولگارياعا گاز جەتكىزۋدى قىسقارتقانىن مالىمدەدى. ۋكراينا مەن ەو بۇنى "رەسەي ۋكراينانى قولدايتىن ەلدەردى وسىلاي بوپسالاپ جاتىر" دەيدى. بولگاريا گازپرومدى "كەلىسىم-شارتتى بۇزدى" دەپ ايىپتاسا، پولشا جاعدايدى رەتتەي الاتىنىن ايتادى.
ەو قالاي ارەكەت ەتۋ كەرەكتىگىن شەشۋ ءۇشىن توتەنشە گاز كەلىسسوزدەرىن وتكىزىپ جاتىر، دەگەنمەن ەو-نىڭ تۋىنداعان جاعدايعا ارنالعان جوسپارلارى بار ەكەنى دە حابارلاندى.
♦ۋكراينا پرەزيدەنتى ۆلاديمير زەلەنسكيي رەسەيدىڭ ارنايى قىزمەتتەرىن "مولدوۆانىڭ شەكارا ايماعىندا شابۋىلدار جاسادى" دەپ ايىپتادى.
♦ۋكراينا شەكاراسىنان سولتۇستىككە قاراي 40 شاقىرىم جەردە ورنالاسقان رەسەيدىڭ بەلگورود قالاسىندا ءوق-دارى قويماسى ورتەنىپ، بىرنەشە جارىلىس ەستىلدى.
دەرەككوز: BBC
