قازگيدرومەت 24-26 مامىرعا ارنالعان اۋا رايى بولجامىن جاريالادى.
سينوپتيكتەردىڭ مالىمەتىنشە، ەكاتەرينبۋرگ ايماعىنان كەلەتىن سيكلونمەن بايلانىستى اتموسفەرالىق فرونتالدى بولىمدەر، رەسپۋبليكانىڭ كوپتەگەن ايماقتارىندا اۋا رايىنىڭ تۇراقسىز سيپاتىنا اكەلەدى. جاڭبىر جاۋىپ، نايزاعاي مەن جەل كۇشەيىپ، بۇرشاق جاۋۋى مۇمكىن. 26 مامىردا تۇندە سولتۇستىك-باتىستا قاتتى جاڭبىر كۇتىلەدى.
"كەزەڭنىڭ سوڭىندا ەلدىڭ باتىسىنا سولتۇستىك-باتىس انتيسيكلون جوتاسى تارايدى، سولايشا جاۋىن-شاشىننىڭ توقتاۋى جانە اۋا تەمپەراتۋراسىنىڭ ازداپ تومەندەۋى كۇتىلەدى. 24 مامىردا تۇندە جانە تاڭەرتەڭ ورتالىقتا، شىعىستا، 26 مامىردا باتىستا توپىراق بەتىندە 2 گرادۋسقا دەيىن اياز بولۋى مۇمكىن" دەلىنگەن قازگيدرومەت حابارلاماسىندا.
پىكىر قالدىرۋ