بۇگىن ۇكىمەت وتىرىسىندا انت بەرگەن مينيستر ساياسات نۇربەك الەۋمەتتىك جەلىدە قىزۋ تالقىعا تۇسكەن سۇراقتارعا جاۋاپ بەردى، دەپ جازادى ulysmedia.kz.
"ءوزىڭىز عىلىم جانە جوعارى ءبىلىم ءمينيسترى لاۋازىمىنا تاعايىندالىپ وتىرسىز. بالالارىڭىز جوعارى ءبىلىمىن شەتەلدە جالعاستىرا ما؟ الدە مينيستر رەتىندە ءوزىڭىز ۇلگى بولىپ ەلگە اكەلەسىز بە؟" - دەپ سۇرادى جۋرناليستەر.
– 26 ماۋسىمدا ولار قازاقستانعا قايتادى. مەن ولاردى اسىعا كۇتىپ وتىرمىن. كەرەك دەسەڭىز، مەن سىزدەرگە فوتوەسەپ بەرەمىن، – دەدى ساياسات نۇربەك.
"ولار نە ءۇشىن وسى ۋاقىتقا دەيىن شەتەلدە وقىدى؟" دەگەن سۇراققا مينيستر بىلاي جاۋاپ بەردى.
– ءۇش سەبەپ بار. ءبىرىنشىسى مەنىڭ جۇبايىم مەن بالالارىمنىڭ مەديسينالىق جاي-كۇيى. مەديسينالىق ناقتى قورىتىندى بار. وكىنىشكە قاراي مەن ولاردى قارجىلىق تۇرعىدا وسىندا ولاردى وقىتا المادىم. ۇشىنشىدەن، ول – ول وتە جاقسى بريتاندىق مەكتەپ. ءبىراق ۋايىمداماڭىزدار، 26 ماۋسىمدا ولار قازاقستانعا ورالادى، – دەدى ول.
"ال ءوزىڭىز مينيستر بولماساڭىز، بالالارىڭىز سول جاقتا وقي بەرەتىن بە ەدى؟" دەگەن سۇراققا مينيستر "ءبىز جىل باسىندا-اق بالالارىمىزدى قايتاراتىنىمىز تۋرالى شەشىم قابىلداپ قويعانبىز" دەپ جاۋاپ بەردى.
بۇدان بولەك، مينيستر ءدىني سەنىمىنە قاتىستى قويىلعان سۇراقتارعا دا جاۋاپ بەردى.
– مەن مۇسىلمانمىن، قۇدايعا شۇكىر. سالافيزمگە ەش قاتىسىم جوق. بىلەسىزدەر، اتام مەن اجەمنىڭ قولىندا ءوستىم. تەكسەرسەڭىز وتە وڭاي. اتام نۇربەك. تەگىمدى اتامنىڭ اتىنا العان اداممىن. سەمەي قالاسىندا ول كىسى يمام، مولدا بولدى. تىنىباي مەشىتى دەگەن بار. تاتار مەشىتى بولعان بىزدە. ءبىرىنشى اشىلعان قازاق مەشىتىنىڭ يمامى بولدى. سوندىقتان كىشكەنتەي كەزىمنەن باستاپ مەن دىنگە، يمانعا جاقىن اداممىن. ءبىراق ەشقانداي راديكالدى اعىمعا، سەكتالارعا، سالافيزمگە قاتىسىم جوق، – دەدى ساياسات نۇربەك.
ءسوز سوڭىندا جاڭا مينيستر بەكبولات تىلەۋحانمەن مىڭداعان ادام سۋرەتكە تۇسكەنىن، «ونىڭ ونەر ادامى ەكەنىن، اقىن ەكەنىن، ول كىسىنى قۇرمەيتتىنىن» ءمالىم ەتتى.
پىكىر قالدىرۋ