مەملەكەت باسشىسى ق.توقايەۆ قاڭتار وقيعاسى كەزىندە ەلگە كىرگەن ۇجىمدىق قاۋىپسىزدىك تۋرالى شارت ۇيىمىنىڭ اسكەرىن رەسەي اسكەرى دەپ شاتاستىرۋعا بولمايتىنىن مالەم ەتتى.
– ۇقشۇ قازاقستانعا شەكتەۋلى كونتينگەنتىن جىبەرۋ ارقىلى 30 جىلدا العاش رەت ءوزىن كورسەتتى. رەسەي ەمەس، ۇقشۇ ەكەنىن باسا ايتۋ كەرەك. رەسەيدە كەي تۇلعالار جاعدايدىڭ تونىن وزگەرتىپ، رەسەي قازاقستاندى قۇتقارىپ قالدى، ەندى قازاقستان رەسەيگە ءومىر بويى قىزمەت ەتىپ، رەسەيدىڭ اياعىن قۇشىپ ءوتۋى كەرەك دەپ ايتىپ ءجۇر. بۇل – قيسىق پايىم، شىندىقتان الشاق نارسە دەپ سانايمىن، – دەدى ول "روسسيا 24" تەلەارناسىنا بەرگەن سۇحباتىندا.
سونداي-اق ول ۇقشۇ كۇشتەرى اسكەري قيمىلدارعا قاتىسپايتىنى تۋرالى الدىن الا كەلىسىلگەنىن، ۇقشۇ كونتينگەنتى بىردە-بىر وق اتپاعانىن، ولار قازاقستاندا 10 كۇنگە جۋىق ۋاقىت قانا بولعانىن ايتتى.
