قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى باستالدى.

– كۇردەلى گەوساياسي سىن-قاتەرگە قاراماستان، ەلىمىز ءبىر قالىپتى دامىپ كەلەدى. مۇنى جارتى جىلدىق ناتيجەدەن كورىپ وتىرمىز. ەكونوميكا 3،4 پايىزعا، ال ناقتى سەكتور 4،1 پايىزعا ءوستى. اسىرەسە، وڭدەۋ ونەركاسىبى سالاسىندا ايتارلىقتاي ىلگەرىلەۋ بار. دەگەنمەن، ينفلياسيا دا ءبىر ورىندا تۇرعان جوق. ءقازىر بۇل كورسەتكىش 14،5 پايىزعا جەتىپ، 2015 جىلعى دەڭگەيدەن اسىپ ءتۇستى، – دەدى پرەزيدەنت. 

پرەزيدەنت حالىقارالىق ينستيتۋتتار الەمدىك ەكونوميكا قارقىنى باسەڭدەيدى دەگەن بولجام ايتىپ وتىرعانىن، سوعان سايكەس ينفلياسيا جاپپاي ءوسۋى مۇمكىن ەكەنىن اتاپ ءوتتى.

– وڭىرلىك داعدارىستىڭ ۇزاققا سوزىلىپ بارا جاتقانىن بايقاپ وتىرمىز. ءتىپتى، بۇل احۋال جاھاندىق توقىراۋعا ۇشىراتادى دەگەن ءقاۋىپ بار. وسىنداي جاعدايدا ۇكىمەتتىڭ جانە ۇلتتىق بانكتىڭ نەگىزگى مىندەتى – ينفلياسيانى تۇراقتاندىرىپ، ازاماتتاردىڭ تابىسىن ارتتىرۋ بولۋعا ءتيىس. سونداي-اق، جاڭا جۇمىس ورىندارىن اشۋ قاجەت، – دەدى ول.