الماتىدا 19 شىلدەدە ەسەنتاي وزەنىنىڭ جاعالاۋىن اباتتاندىرۋ جۇمىستارىن قورىتىندىلاۋعا بايلانىستى ءباسپاسوز-تۋرى ءوتتى.

ەسەنتاي وزەنىنىڭ جاعالاۋىندا سۋ بولگىشتەن جاماقايەۆ كوشەسىنە دەيىنگى ارالىقتا جاڭا فورماتتاعى قوعامدىق كەڭىستىك قۇرۋ بويىنشا جۇمىستار اياقتالۋعا جاقىن، ۇزىندىعى 4،2 جاياۋ جۇرگىنشىلەر جولى جاسالدى (1 كم اعاشتان جاسالعان جاياۋ جۇرگىنشىلەر جولى جانە 3،2 كم تاس جول)، وزەننىڭ جاعالاۋى بەكىتىلدى.

«اباتتاندىرۋ جوباسى تابيعي لاندشافتى ساقتاي وتىرىپ، قالالىقتاردىڭ جايلى دەمالىسىنا جاعداي جاساۋعا باعىتتالعان بولاتىن. مۇنىڭ نەگىزىندە زامانعا ساي ينفراقۇرىلىمدى تابيعاتقا بارىنشا زيان كەلتىرمەيتىندەي ەتىپ جاساۋ يدەياسى جاتىر»، – دەدى ءباسپاسوز-تۋرى بارىسىندا الماتى قالاسى ەكولوگيا جانە قورشاعان ورتا باسقارماسىنىڭ ءبولىم جەتەكشىسى مۇرات جەكسەنبايەۆ.

سونداي-اق اباتتاندىرۋ جۇمىستارى اياسىندا ۇزىندىعى 1،3 كم-لىك اعاش قورشاۋ جانە تىرەۋىش قابىرعالارى (4،2 كم) ورناتىلدى. 600-دەي قىلقان جاپىراقتى جانە جاپىراقتى اعاشتار، 3500-دەن استام بۇتا جانە شامامەن 700 ش. م. كوپجىلدىق جانە 100 ش. م. ءبىرجىلدىق وسىمدىكتەر وتىرعىزىلدى. 339 جارىق شام، 8 ويىن الاڭى مەن سپورت الاڭى، 4 تابيعاتتى تاماشالاۋ  الاڭى مەن پاندۋستار، 4 پەرگولا، 2 مودۋلدىك دارەتحانا، سۋ جاعاسىنا 10 ورىندىق، 130 قوقىس جاشىگى جانە جاعالاۋ بويىنا 70 ورىندىق قويىلدى.