الماتى وبلىسى ەڭبەكشىقازاق اۋدانى ەسىك قالاسىندا اتىس بولىپ، جارالانعانداردىڭ ءبىرى قازا تاپتى. بۇل تۋرالى الماتى وبلىستىق دەنساۋلىق ساقتاۋ باسقارماسى ءمالىم ەتتى.

"23 شىلدەگە قاراعان ءتۇنى ەسىك قالاسىنداعى ەڭبەكشىقازاق اۋداندىق اۋرۋحاناسىنا 1992 جانە 2004 جىلى تۋعان ەكى ەر ادام اۋىر جاعدايدا اۋرۋحاناعا جەتكىزىلدى. ەكەۋى دە كوپ جاراقات العان. دارىگەرلەر شۇعىل وتا جاسادى. الايدا جاراقات العانداردىڭ بىرەۋى قايتىس بولدى" دەدى باسقارمانىڭ باسپا ءسوز حاتشىسى ءلايلىم اۋباكىروۆا.

زارداپ شەككەندەردىڭ ءبىرى جانساقتاۋ بولىمىندە جاتىر. وعان ينتەنسيۆتى تەراپيا جاسالۋدا.

الماتى وبلىستىق پوليسيا دەپارتامەنتى ەسىك قالاسىندا بولعان اتىستان ەكى ادام جاراقات العانىن راستادى. بىرەۋى 18-دە، ەكىنشىسى – 30 جاستا. تەرگەۋشىلەر اتىسقا قاتىسقانداردى ىزدەستىرۋدە.