Daryn.online – قازاقستان بويىنشا وقۋشىلار مەن مۇعالىمدەر اراسىندا 3،6 ملن استام قولدانۋشىسى بار ونلاين ءبىلىم بەرۋ نارىعىنداعى جەتەكشى كومپانيالاردىڭ ءبىرى. نەگىزگى باعىتى ءبىرقاتار ونلاين پلاتفورمالاردى دامىتۋ جانە ەنگىزۋ، VR/AR ونىمدەرى مەن ويىندارىن ازىرلەۋ، 0-17 جاستاعى بالالار مەن جاسوسپىرىمدەرگە ارنالعان وقىتۋ كونتەنتىن دايارلاۋ. سونىمەن قاتار، بۇلدىرشىندەرگە ارنالعان ەرتەگى كىتاپتار، مۋلتفيلمدەر، ويىنشىقتار مەن ءموبيلدى قوسىمشالار جاساپ، ۇسىنادى.
Prometheus School – قازاقستانداعى ءىرى جەكەمەنشىك مەكتەپتەر جەلىسىنىڭ نەگىزىن قالاۋشى قاۋپىنبايەۆ داۋرەن تۋلەن ۇلى مەن EPG Education ادام كاپيتالىن دامىتۋ قورىنىڭ بىرلەسكەن ءبىلىم بەرۋ جوباسى. 856 وقۋشىعا ارنالعان مەكتەپ الماتى قالاسىندا ورنالاسقان. اتالعان مەكتەپتىڭ باعىتى ورتا ءبىلىم بەرۋدىڭ ۇزدىك زاماناۋي ادىستەمەلەرىن ەنگىزۋگە، تۇلعانى جان-جاقتى دامىتۋ مەن كوشباسشىلاردى قالىپتاستىرۋعا نەگىزدەلگەن.
Daryn.online پلاتفورماسى مەن Prometheus school اراسىنداعى سەرىكتەستىكتىڭ ماقساتى – Prometheus School ۇسىناتىن يننوۆاسيالىق ادىستەمەلەر مەن ءداستۇرلى ءبىلىم بەرۋدەگى تاجىريبەنى مەكتەپتىڭ بىلىكتى ۇستازدارىنىڭ بەلسەندى قاتىسۋى ارقىلى Daryn.online ونىمدەرىنە ۇتىمدى پايدالانۋ. بۇل دەگەنىمىز Daryn.online ارقىلى ءبىلىم الاتىن شالعايداعى وقۋشىلاردىڭ يننوۆاسيالىق، زاماناۋي ءبىلىم كوشىنەن كەيىن قالىپ قويماۋىنا ۇلكەن مۇمكىندىك.
«Daryn.online مەن Prometheus School بىرلەسىپ، گيبريدتىك مەكتەپ جاساۋ ويىن جۇزەگە اسىرعالى وتىر. وسى ماقساتتا ءبىز ونلاين ءبىلىم بەرۋگە ۇلەس قوسقان بىلىكتى پەداگوگتاردىڭ تاجىريبەسىن نەگىزگە الا وتىرىپ، ەلىمىزدەگى ءبىلىم سالاسىن جاڭا دەڭگەيگە كوتەرۋگە ۇلەس قوسساق دەيمىز. Daryn.online Bugin Holdingء-تىڭ نەگىزگى جوبالارىنىڭ ءبىرى. ال Bugin Holdingء-تىڭ ماقساتى – بولاشاقتا قولجەتىمدى مەكتەپتەر اشۋ. وسى جولدا ءبىز Prometheus School مەكتەبىمەن بىرگە بۇدان دا مول تاجىريبە جينايتىنىمىزعا سەنىمدىمىز، – دەيدى Daryn.online نەگىزىن قالاۋشى ايبەك قۋاتباي.
پىكىر قالدىرۋ