ەكس-پرەزيدەنت نۇرسۇلتان نازاربايەۆ تۇركيادان ەلگە ورالدى. بۇل تۋرالى ونىڭ باسپا ءسوز حاتشىسى ايدوس ۇكىباي ءوزىنىڭ twitter پاراقشاسىندا حابارلادى.
نۇرسۇلتان نازاربايەۆ جازعى دەمالىسىن تۇركياداعى دوستارى مەن جاقىندارىنىڭ اراسىندا وتكىزگەن.
"نۇرسۇلتان نازاربايەۆتىڭ تۇركياداعى ساپارىنا قاتىستى ءانونيمدى دەرەككوزدەردە ءتۇرلى اقپارات تارادى. الايدا دەمالىس كەزىندە شەتەلدىك رەسمي تۇلعالارمەن جانە بيزنەس وكىلدەرىمەن ەشقانداي كەزدەسۋ وتكىزگەن جوق"، دەپ جازدى ايدوس ۇكىباي.
بۇعان دەيىن بىرنەشە تەلەگرام-ارنالاردا نۇرسۇلتان نازاربايەۆ ساياسي جانە بيزنەس ەليتا وكىلدەرىمەن كەزدەسكەنى تۋرالى اقپارات تاراعان بولاتىن.
پىكىر قالدىرۋ