ەكس-پرەزيدەنت نۇرسۇلتان نازاربايەۆتىڭ ءىنىسى بولات نازاربايەۆ قايتىس بولعانى تۋرالى اقپارات شىندىققا جاناسپايدى.
"بۇل – فەيك" دەيدى كازتاگ اقپارات اگەنتتىگىنىڭ دەرەككوزى.
بۇرىنعى پرەزيدەنتتىڭ ءىنىسى مەن ونىڭ اينالاسىنداعى ادامداردىڭ رەيدەرلىك شابۋىلىنان زارداپ شەكتىك دەپ شاعىمدانۋشىلار جيىلەگەن تۇستا بولات نازاربايەۆتىڭ دەنساۋلىعى ناشار ەكەنى، ول قىلتاناق اۋرۋىنا شالدىققانى تۋرالى اقپارات شىقتى.
قىزى گۇلميرا ابىشيەۆا ەكسپرەسس-ك باسىلىمىنا بەرگەن سۇحباتتا اكەسى سىرقاتى باستالعان 2015 جىلدان بەرى بيزنەسپەن اينالىسۋدى دوعارىپ، ىستەرىن سەنىمدى ادامدارىنا تاپسىرعانىن ايتقان. الايدا ەل اراسىندا بولات نازاربايەۆ 2015 جىلدان باستاپ شارۋاعا ارالاسۋدى توقتاتقانىنا كۇمانمەن قارايتىندار كوپ. سونداي-اق بولات نازاربايەۆتىڭ دەنساۋلىعى تۋرالى اقپارات جۇرتشىلىققا وعان دەگەن اياۋشىلىق سەزىمىن تۋدىرۋ ءۇشىن ادەيى شىعارىلىپ وتىر دەپ سانايتىندار، ونى قىلمىستىق جاۋاپكەرشىلىككە تارتۋ كەرەك دەيتىندەر دە از ەمەس.
پىكىر قالدىرۋ