ورال قالاسىندا كاسىپكەر ەركىن مۇحانعالييەۆتى ولتىرگەندەردى ىزدەۋگە ۇلتتىق گۆارديا دا قوسىلدى، دەپ حابارلادى موي گورود پورتالى.

"قىلمىسكەرلەردى ىزدەۋگە 5517 اسكەري ءبولىمىنىڭ اسكەري قىزمەتكەرلەرى دە جۇمىلدىرىلدى" دەلىنگەن حابارلامادا.

كاسىپكەردى 6 تامىز كۇنى ساعات 20.00-دە ءولتىرىپ كەتكەن. ونىڭ بىرنەشە جەرىنەن پىشاق سۇعىلعان دەنەسى پ. اتويان اتىنداعى ستاديوننىڭ تۇراعىنان تابىلعان.

"كۇدىكتىلەردىڭ ءتۇر-تۇلعاسى بىردەن انىقتالدى. قىلمىس بەينەباقىلاۋ كامەرالارىنا ءتۇسىپ قالعان. كافەدە ۇستەل باسىندا بيزنەسمەن مەن ەكى ەر ادام وتىرادى. ارالارىندا جانجال شىعىپ، ەر ادامنىڭ ءبىرى ەركىن مۇحانعالييەۆكە پىشاق سۇققىلايدى. بەلگىلى بولعانداي، بيزنەسمەن قىلمىسكەرلەردەن قاشپاق بولعان، الايدا ولار قۋىپ جەتىپ، ارەكەتتەرىن كوشەدە جالعاستىعان" دەلىنگەن قۇزىرلى ورگان حابارلاماسىندا.

7 تامىزدا پوليسيا كۇدىكتىلەر – 31 جاستاعى رۋسلان قوجانتايەۆ پەن 21 جاستاعى تۋرلان امانگەلدىگە ىزدەۋ جاريالادى.

6 تامىزدان بەرى قالاعا كىرەتىن، قالادان شىعاتىن جولدار تەكسەرىلىپ جاتىر. سونداي-اق پوليسيا كۇدىكتىلەردىڭ جاسىرىنعان جەرى تۋرالى بىلەتىندەر بولسا، 102 پۋلتىنە نەمەسە 98-45-30 نومەرىنە حابارلاسۋدى سۇرايدى.