ورال قالاسىندا كاسىپكەردى پىشاقتاپ ءولتىردى دەلىنگەن 2 ادام ۇستالدى. بۇل تۋرالى وبلىستىق پوليسيا دەپارتامەنتى حابارلادى.
"ارنايى وپەراسيا ناتيجەسىندە كۇدىكتىلەر ۇستالدى. ءىس 20 جىلعا دەيىن باس بوستاندىعىنان ايىرۋ نەمەسە ءومىر بويىنا باس بوستاندىعىنان ايىرۋ جازاسىن قاراستىراتىن قىلمىستىق كودەكستىڭ 99-بابىنىڭ 2-بولىگىنە قايتا قارالادى. بۇل ماسەلە ىشكى ىستەر ءمينيسترىنىڭ باقىلاۋىندا بولادى" دەپ حابارلادى ءىىم.
پوليسيا دەپارتامەنتى بولسا، كۇدىكتىلەردىڭ ۋاحابيزم نەمەسە باسقا دەسترۋكتيۆتى ءدىني اعىمدى ۇستاناتىنى، سونداي-اق راديكالدى يدەيالاردى تاراتقانى تۋرالى اقپارات جوق ەكەنىن حابارلادى.
6 تامىزدا ورالدا كاسىپكەر 48 جاستاعى ەركىن مۇحانعالييەۆتى ەكى ادام پىشاقتاپ ءولتىرىپ كەتكەن. مارقۇم قالاداعى "گۋلچاتاي" ءدامحاناسى مەن "ماحاببات" مەيرامحاناسىنىڭ قوجايىنى بولعانى حابارلاندى.
پىكىر قالدىرۋ