شقو ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ مالىمەتىنشە، وڭىردە جىلۋ بەرۋ ماۋسىمىنا دايىندىق بەكىتىلگەن ءىس-شارالار جوسپارىنا سايكەس جۇرگىزىلىپ جاتىر. الەۋمەتتىك قورعاۋ جانە ءبىلىم بەرۋ نىساندارى سۋىقتى قارسى الۋعا 100- پايىز دايىن ەكەنىن مالىمدەدى.

قالا مەن اۋدان اكىمدىكتەرى كەستەگە سايكەس ينجەنەرلىك ينفراقۇرىلىمدى جوندەۋ جۇمىستارىن جۇرگىزۋدە. 9 تامىزداعى جاعداي بويىنشا ءىرى قازاندىقتار مەن جەو-نىڭ دايىندىعى - 61%، شاعىن قازاندىقتار (100 گكال/ساعاتتان كەم) – 81%، سۋمەن جابدىقتاۋ جانە سۋ بۇرۋ وبەكتىلەرى-98%-دى قۇرايدى. سونىمەن قاتار، ۆەدومستۆونىڭ مالىمەتىنشە، 968 كم جىلۋ جەلىلەرى (92%) قىسقا دايىن.

سونىمەن قاتار، ءقازىردىڭ وزىندە كوپ پاتەرلى تۇرعىن ۇيلەردىڭ تۇرعىندارى دايىندىق اكتىلەرىن الۋ ءۇشىن ۇيىشىلىك جۇيەلەردى دايىنداۋى قاجەت. ولاردىڭ دايىندىعى 62% قۇرايدى.

كومىر دايىنداۋ ماسەلەسى دە ماڭىزدى بولىپ قالۋدا. قالا مەن اۋدان اكىمدىكتەرىنىڭ ۇسىنعان مالىمەتتەرىنە سايكەس، شىعىس قازاقستان وبلىسىنىڭ تۇرعىندارىنا 354،3 مىڭ توننا كومىر جەتكىزىلگەن. سونىمەن قاتار، ءالى جيناقتالىپ ۇلگەرمەگەن وبلىس تۇرعىندارىنا ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسى تولقۋلار مەن الىپساتارلىقتى بولدىرماۋ ءۇشىن جازدا قاتتى وتىن دايىنداۋ قاجەتتىگىن ەسكەرتەدى.

ءقازىر تەمىرجول تۇيىقتارىندا 13،7 مىڭ توننا كومىر بار، ونىڭ ىشىندە: وسكەمەن قالاسىندا – 5،5 مىڭ توننا، ريددەر قالاسىندا – 4،8 مىڭ توننا، گلۋبوكوە اۋدانىندا – 600 توننا، التاي اۋدانىندا – 2،6 مىڭ توننا، شەمونايحا اۋدانىندا – 210 توننا كومىر.

بيۋدجەتتىك ۇيىمدارعا 39،6 مىڭ توننا كومىر (100%) جەتكىزدى.

ايتا كەتەيىك، ەنەرگەتيكا جانە تكش باسقارماسى قالا مەن اۋدان اكىمدىكتەرىمەن بىرلەسىپ، وبلىس تۇرعىندارى اراسىندا الداعى جىلىتۋ ماۋسىمىنا الدىن الا كومىر دايىنداۋ قاجەتتىلىگى تۋرالى ءتۇسىندىرۋ جۇمىستارىن جالعاستىرۋدا.