بۇگىن، 10 تامىز، قازاقستاندا اباي كۇنى - ۇلى ويشىل، اقىن، دالا ادەبيەتى مەن مادەنيەتىن رەفورمالاۋشى، قازىرگى زامانعى قازاق ادەبيەتىنىڭ نەگىزىن قالاۋشى كۇنى اتاپ وتىلەدى. شىعىس قازاقستان وبلىسىندا كومپوزيتور مەن قوعام قايراتكەرىنىڭ 177 جىلدىعىنا ارنالعان ءىس-شارالار وتۋدە.
اقىن جانە اعارتۋشى اباي قۇنانبايەۆتىڭ تۋعان كۇنى قازاقستان رەسپۋبليكاسى ۇكىمەتىنىڭ 2020 جىلعى 4 تامىزداعى قاۋلىسىنا سايكەس رەسمي تۇردە قازاقستاندا مەرەكەلىك كۇن بولدى.
– ۇلى مۇرانى ماڭگى ەستە ساقتاپ، ۇرپاققا جەتكىزۋ ءۇشىن ءبىز ابايعا ارنالعان مۇراجاي مەن مەموريالدىق كەشەندى قالپىنا كەلتىردىك. بۇگىندە بۇل جاي عانا ارحيتەكتۋرالىق قۇرىلىس ەمەس، سونىمەن قاتار بارلىق زاماناۋي تالاپتارعا سايكەس كەلەتىن، جاڭا تەحنولوگيالار بويىنشا جۇمىس ىستەيتىن عىلىمي ورتالىقتار جانە ابايدىڭ ءومىربايانى مەن شىعارماشىلىعىمەن تانىسۋعا عانا ەمەس، عىلىمي ىزدەنىستەرمەن اينالىسۋعا دا مۇمكىندىك بار. بۇل مەرەكە شابىت، رۋحاني دامۋ جانە شىعارماشىلىق ويدىڭ ۇشۋ كۇنى بولعانىنا سەنىمدىمىن. قازاقستاندىقتاردى اباي كۇنىمەن شىن جۇرەكتەن قۇتتىقتايمىن! – دەپ جازدى شقو اكىمى دانيال احمەتوۆ Instagram-داعى پاراقشاسىندا.
رۋحاني-اعارتۋشىلىق ءىس-شارالاردى وتكىزۋ، ۇلى بابانىڭ ەسكەرتكىشىنە گۇل قويۋ، ونىڭ شىعارمالارىن وقۋ بويىنشا چەللەندجدەردى ۇيىمداستىرۋ – ادەبيەت، ونەر، كوركەم ءسوز اۋەسقويلارى مەن ءوڭىردىڭ باسقا دا تۇرعىندارى اراسىندا جاقسى داستۇرگە اينالدى.
سونىڭ اياسىندا وسكەمەن قالاسىندا ا.س. پۋشكين اتىنداعى وبلىستىق كىتاپحانادا "اباي دانالىقتىڭ دارا شىڭى" مادەني ءىس-شارالار سيكلىنىڭ اشىلۋى ءوتتى.
– بۇگىن بىزدە ابايدىڭ ءومىرى مەن شىعارماشىلىعىنا ارنالعان كىتاپ كورمەسى، بالالارعا ارنالعان ءتۇرلى ءىس-شارالار - ءسوزجۇمباقتار، ۆيكتورينالار، توعىزقۇمالاق جانە شاحمات ويىندارى بويىنشا كونكۋرستار جوسپارلانعان، – دەدى ا.س. پۋشكين اتىنداعى وبلىستىق كىتاپحانا جارناما ءبولىمىنىڭ مامانى گۇلميرا ماحمەدجانوۆا.
ايتا كەتەيىك، بۇگىن شىعىس قازاقستاننىڭ ءار بۇرىشىندا، وبلىستىڭ بارلىق قالالارى مەن اۋداندارىندا اقىننىڭ ولەڭدەرى، قارا سوزدەرى شىرقالىپ، اباي ءومىرى تۋرالى سپەكتاكلدەر قويىلادى، ال تاريحشىلار مەن ادەبيەتتانۋشىلار دالانىڭ ۇلى ۇلىنىڭ شىعارماشىلىعى مەن فيلوسوفياسىنىڭ جاڭا قىرلارىن اشا وتىرىپ، كونفەرەنسيالار مەن سەمينارلار وتكىزەدى.
پىكىر قالدىرۋ