قانداس مارتەبەسىن الۋ نەمەسە ۇزارتۋ، سونداي-اق قانداستار مەن قونىس اۋدارۋشىلاردى قابىلداۋدىڭ وڭىرلىك كۆوتاسىنا ەنگىزۋ بويىنشا وتىنىشتەر جەرگىلىكتى اتقارۋشى ورگانداردا، "ازاماتتارعا ارنالعان ۇكىمەت" مەملەكەتتىك كورپوراسياسىندا جانە قازاقستان رەسپۋبليكاسىنىڭ شەت ەلدەردەگى مەكەمەلەرىنە قابىلدانادى.

قانداستار مەن قونىس اۋدارۋشىلاردى قابىلداۋدىڭ وڭىرلىك كۆوتاسى ۇكىمەت ايقىنداعان اقمولا، اتىراۋ، شىعىس قازاقستان، باتىس قازاقستان، قوستاناي، پاۆلودار جانە سولتۇستىك قازاقستان وبلىسى سەكىلدى وڭىرلەرگە بولىنەدى.

سونىمەن قاتار قانداس مارتەبەسىن العان ەتنيكالىق قازاققا تومەندەگى قىزمەتتەر قولجەتىمدى:

– ق ر اۋماعىنا كىرۋ كەزىندە كولىك قۇرالدارىن قوسا العاندا، جەكە پايدالانۋعا ارنالعان مۇلىككە كەدەندىك تولەمدەردى تولەۋدەن بوساتىلادى؛

– قانداستاردى بەيىمدەۋ جانە ىقپالداستىرۋ ورتالىقتارىندا تەگىن بەيىمدەۋ جانە ىقپالداستىرۋ قىزمەتتەرىمەت قامتاماسىز ەتىلەدى؛

– تەحنيكالىق جانە كاسىپتىك، ورتا بىلىمنەن كەيىنگى جانە جوعارى ءبىلىم بەرەتىن وقۋ ۇيىمدارىنا وقۋعا تۇسۋگە كۆوتا شەڭبەرىندە ءبىلىم الۋ (قازاقستان رەسپۋبليكاسىنىڭ ازاماتتارى بولىپ تابىلمايتىن ۇلتى قازاق ادامدار ءۇشىن كۆوتا 4% مولشەرىندە بەلگىلەنگەن)؛

– قازاقستان ازاماتتارىمەن تەڭ جاعدايدا جۇمىسپەن قامتۋعا جاردەمدەسۋ شارالارىمەن قامتاماسىز ەتۋ؛

– مەملەكەتتىك تۇرعىن ءۇي قورىنان تۇرعىن ءۇي الۋعا ءوتىنىش بەرۋ مۇمكىندىگى.

بۇدان باسقا ەلدە تۇراقتى تۇراتىن قانداستار جەڭىلدەتىلگەن تارتىپپەن (تىركەۋ تارتىبىمەن) قازاقستان رەسپۋبليكاسىنىڭ ازاماتتىعىن الا الادى.

2022 جىلعى 1 تامىزداعى جاعداي بويىنشا 9 077 ەتنيكالىق قازاق تاريحي وتانىنا ورالىپ، قانداس مارتەبەسىن العان. 1991 جىلدان باستاپ رەسپۋبليكاعا بارلىعى 1 ملن 96،9 مىڭ ەتنيكالىق قازاق ورالدى. وسى جىلدىڭ باسىنان باستاپ قازاقستانعا كەلگەن قانداستاردىڭ جارتىسىنان استامى (69،9%) وزبەكستاننان، 10،3% – قحر-دان، 7،1% – تۇركىمەنستاننان، 4،0% – موڭعوليادان جانە 8،7% – باسقا ەلدەردەن كەلگەن.