قازگيدرومەت دەمالىس كۇندەرگە ارنالعان اۋا رايى بولجامىن جاريالادى.

سينوپتيكتەردىڭ دەرەگىنشە، الداعى تاۋلىكتەردە قازاقستاننىڭ باسىم بولىگى اۋقىمدى انتيسيكلون جوتاسى ايماعىنداعى اتموسفەرالىق فرونتتاردىڭ ىقپالىندا بولىپ، ەلدىڭ باسىم بولىگىندە تۇراقسىز اۋا رايى بايقالادى.

ەلدىڭ سولتۇستىك جارتىسى مەن شىعىسىندا تۇنگى ۋاقىتتا توپىراق بەتىندە 2° ۇسىك، تۇمان بولادى دەپ بولجانىپ وتىر. ال  باتىس جارتىسىندا جاۋىن-شاشىنسىز اۋا رايى ساقتالادى. بۇل ايماقتاردا كۇن ساۋلەلەرى بىرتىندەپ اۋانى جىلىتاتىندىقتان، اۋا تەمپەراتۋراسىنىڭ ازداپ كوتەرىلۋى بايقالادى.

اۋانىڭ تەمپەراتۋراسى باتىستا تۇندە + 12 + 22-دەن +15+25°س-كە دەيىن، كۇندىز + 27+35-تەن +30+38°س-كە دەيىن ازداعان بولادى.

رەسپۋبليكانىڭ سولتۇستىگىندە، سولتۇستىك-باتىسىندا، شىعىسىندا، ورتالىعىندا اۋا تەمپەراتۋراسى تۇندە + 1+10°س، كۇندىز +13+23، ەلدىڭ وڭتۇستىگىندە تۇندە +8+18 گرادۋس جىلى، كۇندىز +20+28-دەن +23+30°س-قا دەيىن جوعارىلايدى.

وڭتۇستىك-شىعىستا تۇندە اۋا تەمپەراتۋراسى +5+13، كۇندىز +17+25-تەن +13+23°س-كا دەيىن اۋىتقيدى.