ءماجىلىس دەپۋتاتى ەكاتەرينا  سمىشليايەۆا «AMANAT» پارتياسى  قوستاناي وبلىستىق فيليالى جانىنداعى ءبىلىم بەرۋ جانە دەنساۋلىق ساقتاۋ ماسەلەلەرى جونىندەگى وڭىرلىك قوعامدىق كەڭەستىڭ وتىرىسىنا قاتىستى.

وندا وڭىردەگى دەنساۋلىق ساقتاۋ جانە ءبىلىم بەرۋ سالاسىنداعى ءوزەكتى ماسەلەلەردى تالقىلادى. جيىندا ءسوز سويلەگەن قوستاناي وبلىستىق دەنساۋلىق ساقتاۋ باسقارماسىنىڭ باسشىسىنىڭ م.ا. دانيار جاندايەۆ ايماقتاعى انا مەن بالا دەنساۋلىعىن قورعاۋدىڭ ەرەكشەلىكتەرى تۋرالى ايتتى.

د. جاندايەۆتىڭ ايتۋىنشا، قوستاناي وبلىسىندا بالالار مەديسيناسى ەرەكشە جاعدايدا دەۋگە بولادى. قازىرگى تاڭدا وبلىستىق بالالار اۋرۋحاناسىنىڭ جوندەۋ جۇمىستارىنا قاتىستى ءبىرقاتار ماسەلەلەر بار. جالپى   وبلىس دەڭگەيىندە بالالارعا مەديسينالىق كومەك كورسەتۋ دەڭگەيى  قاناعاتتانارلىق دەڭگەيدە.

ءوز كەزەگىندە، ءماجىلىس دەپۋتاتى ەكاتەرينا سمىشليايەۆا  مەديسينا سالاسىن سيفرلاندىرۋ ماسەلەسى نازاردا ەكەنىن جەتكىزدى. دەپۋتات اتاپ وتكەندەي، Damumed اقپاراتتىق جۇيەسى سالا جۇمىسىن جەڭىلدەتۋ ءۇشىن ەنگىءزىلگەن بولاتىن. الايدا، جۇمىس بارىسىندا كەرىسىنشە قيىندىقتار تۋدىرعاندىقتان، ءبىرىڭعاي وپەراتورلىق قىزمەتتى ەنگىزۋ بويىنشا دەپۋتاتتىق ۇسىنىم جاسايتىن ايتتى.

سونىمەن قاتار جيىندا "رەسپۋبليكالىق ەلەكتروندىق دەنساۋلىق ساقتاۋ ورتالىعى" قوستاناي فيليالىنىڭ ديرەكتورى اندرەي سولوۆيەۆ  2017 جىلى Damumed مەديسينالىق اقپاراتتىق جۇيەسى وبلىستىڭ بەس ءىرى ەمحاناسىندا پيلوتتىق ەنگىزۋدەن باستالعانىنا توقتالىپ، ماسەلەنىڭ پروبلەمالىق اسپەكتىلەرى مەن شەشۋ جولدارى تۋرالى ايتتى.

قوستاناي وبلىسىنا جۇمىس ساپارى بارىسىندا ەكاتەرينا سمىشليايەۆا رۋدنىي قالاسىنا، مەڭدىقارا، ۇزىنكول اۋداندارىنا بارىپ، مەكتەپ جانە فەلدشەرلىك اكۋشەرلىك پۋنكتەردىڭ جۇمىسىن باقىلادى.

ءماجىلىستىڭ باسپا ءسوز قىزمەتى