شقو تارباعاتاي اۋدانىنىڭ ورتالىعى اقجار اۋىلىندا دارابوز باتىر قابانباي قوجاعۇل ۇلىنىڭ 330 جىلدىق مەرەيتويىنا ارنالعان "بابالار ەرلىگى ۇلتقا مۇرا، ۇرپاققا ۇلگى" اتتى عىلىمي-تەوريالىق كونفەرەنسيا ءوتتى.
حان باتىردىڭ ەرلىگىن ۇلىقتاۋ شاراسىنا قازاقستان جازۋشىلار وداعىنىڭ ءتوراعاسى ۇلىقبەك ەسداۋلەت، "كەتبۇعا-تولەگەتاي" حالىقارالىق قورىنىڭ ۇيلەستىرۋشىسى ماناربەك مۇحامەدجانوۆ، فيلوسوفيا عىلىمدارىنىڭ دوكتورى، پروفەسسور نۇرداۋلەت اقىش، اسكەري تاريحشى قايرات ساعاتاي ۇلى، اقىن، فيلولوگيا عىلىمدارىنىڭ دوكتورى جانات اسكەربەك، تارباعاتاي اۋدانى اكىمى دارحان جورگەكبايەۆ جانە تاريحشى، عالىمدار قاتىسىپ، دارابوز قابانباي باتىردىڭ جاۋگەرشىلىك زامانداعى قاھارماندىعىن، قولباسشىلعىن بايان ەتتى.
"قاراكەرەي قابانباي قاتىسپاعان بىردە-بىر ءىرى شايقاس بولماعان. قابانباي باتىر وسىنداي سۇراپىل شايقاستارعا قاتىناسىپ، سول جەكپە-جەككە 103 رەت شىعىپ، بارلىعىندا جەڭىسكە جەتكەن. قازاق باتىرلارىنا باس، ەرلىك ىستەرگە ۇيىتقى بولعان ۇلى قولباسشى ءوز كەزەڭىندە اتتى اسكەر سوعىسىنىڭ مىقتى ستراتەگى، جەكپە-جەكتىڭ تەندەسى جوق شەبەرى بولعان" دەدى اسكەري تاريحشى قايرات ساعاتاي ۇلى.
قاراكەرەي قابانباي باتىر قازاق جەرىن جاۋدان ازات ەتۋدە الپىس جىل ات ۇستىنەن تۇسپەي، جوڭعار شاپقىنشىلىعى كەزىندە ەرەڭ ەرلىگى ۇرپاققا ۇلگى-ونەگە.
پىكىر قالدىرۋ