ەلدە كوروناۆيرۋستىڭ تارالۋى باسەڭدەپ كەلەدى. وتكەن تاۋلىكتە 478 ادامنان COVID-19 انىقتالعان. بىرنەشە وبلىستا كوروناۆيرۋس جۇقتىرۋ جاعدايى مۇلدە تىركەلمەگەن

COVID-19 تارالۋىنا جول بەرمەۋ جونىندەگى ۆاك مالىمەتىنشە، ىندەتتىڭ تارالۋى بويىنشا ەلوردا (95) مەن قاراعاندى وبلىسى (83) الدا تۇر. مۇنان كەيىن ۆيرۋس جۇقتىرۋ جاعدايلارى اقمولا وبلىسىندا (59)، الماتى قالاسىندا (52)، قوستاناي وبلىسىندا (45) ءجيى كەزدەسكەن. شىمكەنت قالاسى مەن ۇلىتاۋ وبلىسىندا كوروناۆيرۋستىڭ بىردە-بىر جاعدايى انىقتالماعان. الماتى وبلىسىندا 2، جەتىسۋ وبلىسىندا، شقو، جامبىل، قىزىلوردا وبلىستارىندا 3 ادامنىڭ كوروناۆيرۋسقا تاپسىرعان تەستى وڭ شىققان. بۇنداي جاعداي اباي وبلىسىندا – 4، تۇركىستان وبلىسىندا – 5. سولتۇستىك قازاقستان وبلىسىندا 13، پاۆلودار وبلىسىندا 17، اتىراۋ وبلىسىندا 19، ماڭعىستاۋ وبلىسىندا 21، باتىس قازاقستان وبلىسىندا 35 ادامنان وتكەن تاۋلىكتە كوروناۆيرۋس انىقتالعان.

20 تامىزدا ەل بويىنشا 740 ادام كوروناۆيرۋس جۇقتىرعانى بەلگىلى بولعان.

پاندەميا باستالعالى ەلدە 1 384 027 ادامنىڭ كوروناۆيرۋسقا تاپسىرعان تەستى وڭ شىققان.