رۋدنىيلىق ايەل قوس ازاماتتىعى ءۇشىن جاۋاپقا تارتىلدى، دەپ حابارلادى Polisia.kz. پورتالى.
ءىىم رەسمي ينتەرنەت رەسۋرسىنىڭ مالىمەتىنشە، 56 جاستاعى ايەل 10 جىلدان استام ۋاقىت كوشى-قون سالاسىنداعى زاڭنامانى بۇزىپ كەلگەن. قوس ازاماتتىعى ءۇشىن رۋدنىيلىق ايەل ەندى 600 مىڭنان تەڭگەدەن استام ايىپپۇل تولەۋگە ءتيىس.
"قوس ازاماتتىققا قارسى ءىس-قيمىل ماسەلەسى بۇگىنگى كۇنى وزەكتى بولىپ وتىر. قوستاناي وبلىسىنىڭ اۋماعىندا كوپتەگەن فاكتىلەر انىقتالۋدا. رۋدنىي قالاسىنىڭ اكىمشىلىك ىستەر جونىندەگى مامانداندىرىلعان سوتى 10 جىلدان استام ۋاقىتتان بەرى قازاقستان رەسپۋبليكاسى جانە رەسەي فەدەراسياسىنىڭ ازاماتتىعى بار 56 جاستاعى ايەلدى جاۋاپقا تارتتى. ەندى ول 612 مىڭ تەڭگە كولەمىندە ايىپپۇل تولەۋى ءتيىس. قازاقستاندا جانە سونىمەن ءبىر مەزگىلدە شەت مەملەكەتتىڭ اۋماعىندا زەينەتاقى تولەمدەرىن الاتىن ادامداردى انىقتاۋ بولىگىندە زەينەتاقى تولەۋ جونىندەگى مەملەكەتتىك ورتالىقتارمەن، ق ر ۇقك شەكارا قىزمەتىنىڭ قىزمەتكەرلەرىمەن، سونداي-اق باسقا دا مەملەكەتتىك ورگاندارمەن بىرلەسكەن جۇمىس جۇرگىزىلۋدە" دەدى قوستاناي وبلىسى پد كوشى-قون قىزمەتى باسقارماسىنىڭ ءبولىم باستىعى رينات سىزدىقوۆ.
پىكىر قالدىرۋ