الدىمەن اكىمشىلىك ارتىنشا قىلمىستىق كودەكستىڭ "جاپپاي ءتارتiپسiزدiكتi ۇيىمداستىردى"، "كورىنەۋ جالعان اقپارات تاراتتى" دەگەن ەكى اۋىر بابىمەن جارتى جىلدان بەرى تەرگەۋ يزولياتورىندا قاماۋدا وتىرعان قوعام بەلسەندىسى، تىركەلمەگەن دەموكراتيالىق پارتيانىڭ جەتەكشىسى جانبولات ماماي وزىنە قاستاندىق جاسالۋى مۇمكىن ەكەنىن حابارلادى.
جانبولات ماماي اباقتىدان جولداعان حاتىندا جارتى جىلدان بەرى وزىنە قارسى قانداي دا ءبىر قورقىتۋ، كۇش كورسەتۋ وقيعاسى بولماعانىن، الايدا، كەشە قاستاندىق جاسالماقشى بولىپ جاتىر دەگەن حابار العانىن جازادى. ايتۋىنشا، قورقىتۋ سالەمدەمەسى قاڭتار وقيعاسىنان كەيىن قامالعان قىلمىس الەمىندە ەسىمى بەلگىلى ارمان جۇماگەلدييەۆتەن كەلگەن. ءبىراق ول قوقان-لوقى ارتىندا بيلىك تۇر دەپ سانايدى.
"ماعان "ماماي ءوزى YouTube-تە جاريالاعان ءبىر ۆيدەو ءۇشىن باسىمەن جاۋاپ بەرەدى" دەپ جەتكىزدى. بۇل كىمنىڭ سالەمى دەپ سۇراعاندا، ولار ءوزى دە قاماۋدا وتىرعان "ديكيي ارمان» - ارمان جۇماگەلدييەۆتەن دەپ جاۋاپ بەردى. شىنىمەن-اق، ءوزىمنىڭ ءبىر سوزىمدە ونى سىناعانىم بار. مەنىڭ ويىمشا، بۇل "سالەمنىڭ" ارتىندا، ماعان قاستاندىق ۇيىمداستىرىپ جاتقان، ارنايى قىزمەتتەر تۇرۋى ابدەن مۇمكىن. التىنبەك سارسەنباي ۇلىنىڭ ءولىمى ەستەرىڭىزدە بولار؟ نامىسىنا تيگەن سوزدەر ايتتى-مىس، ەشكىمگە ءجابىرى جوق ۇتەمبايەۆ تاپسىرىس بەرگەن بولىپ شىقپاپ پا ەدى؟ بالكىم، بيلىك ماعان قاستاندىق جاساپ، بار كىنانى قىلمىس الەمىنىڭ بەدەلدىسىنە ارتا سالماق تا شىعار. ءوزىم العان حابارعا قاتىستى مەنىڭ ويىم وسىنداي. ماعان قاتىستى قانداي دا ءبىر قاستاندىقتىڭ ارتىندا، قاشان دا، ارنايى قىزمەتتەر مەن قازاقستان بيلىگى تۇراتىن بولادى دەپ اشىق، رەسمي تۇردە مالىمدەيمىن! تۇرمەدە ەشكىممەن ءوزارا كيكىلجىڭىم جوق، ەشقاشان دا جانجالداسقان ەمەسپىن" دەيدى ول.
بۇعان دەيىن ساياسي تۇتقىندار مەن قاڭتار وقيعاسى قۇرباندارىنا قولداۋ كورسەتۋ ءۇشىن قۇرىلعان قوعامدىق "اراشا" كوميتەتى قاڭتار وقيعاسىنا قاتىستى ىستەردى تەرگەيتىن ۆەدومستۆوارالىق تەرگەۋ-وپەراتيۆتى توپ تەرگەلىپ جاتقانداردى جانبولات مامايعا قارسى كۋالىك بەرۋگە ماجبۇرلەپ جاتقانى تۋرالى اقپارات جەتكەنىن حابارلاعان. ال ارنايى پروكۋرورلار بۇل دەرەكتى تەرىستەگەن.
پىكىر قالدىرۋ