بۇگىن (5 قىركۇيەك) ۇلت ۇستازى، مەملەكەت جانە قوعام قايراتكەرى، رەفورماتور، سان قىرلى عالىم احمەت بايتۇرسىن ۇلىنىڭ تۋعان كۇنى (1872-1937). وسى بىزگە ۇستازدىڭ ارۋاعى رازى ما ەكەن دەگەن وي كەشەدەن بەرى مازالادى. ءوزىمدى-وزىم ءمۇجىدىم. وتكەن 30 جىلعى تاريحىمىزعا كوز سالىپ، شولۋ جاسادىم:
ءتىلىمىزدىڭ مۇشكىل ءحالى، ءالىپبي ماسەلەسى، جەر ماسەلەسى، ءسالت-داستۇر، ءدىن مەن مادەنيەت، رۋحانيات، شەت ەلدەرگە بەيبەرەكەت ساتىلعان حالىق قازىناسى، جەمقورلىق جايلاعان قوعام، دۋمانشىل حالىق، ۇلت ەمەس توبىر دەڭگەيىنە تۇسكەن موجانتوپايلىعىمىز ت.س.س. ءبارىنىڭ جاعدايى قيىن. سوندا كەشەگى احاڭ باستاعان ارىستار توبى نە ءۇشىن، كىم ءۇشىن كۇرەستى؟ نەگە اتىلدى؟ نەگە ۇرپاقسىز قالدى؟
قازاق بيلىگى احمەت بايتۇرسىنۇلىن تەك عالىم، ۇستاز، اعارتۋشى دەپ قانا تانيدى (!). ال ءوز باسىم بۇل تۇلعانى مەملەكەت جانە قوعام قايراتكەرى، قازىرگى قازاقستان رەسپۋبليكاسىنىڭ نەگىزىن سالۋشى كۇرەسكەر دەپ تانيمىن. ول — ءبىرتۋار! ول — فەنومەن! ول — پاسسيونار تۇلعا!
ءاليحان، احمەت اتالارىمىزدى كوسەم دەپ ايتۋعا مەملەكەتتىك تەلەارنالار قارسى! بۇل قالاي؟! الاش كوسەمدەرىنە ساياسي تۇرعىدا باعا بەرىلمەدى. نازاربايەۆ بيلىگى ەشقاشان مويىندامادى!
مىنەزىمىز نەگە وزگەردى؟ جالتاق، جاعىمپاز، جارىمساق قازاق نەگە رۋشىل، نەگە جىكشىل؟! سۇراق كوپ. اركىم جاۋابىن ءوزى بەرسىن. ۇستاز الدىندا، شاھيد كەتكەن ەرلەردىڭ الدىندا مەن دە كىنالىمىن!
ۇلت ۇستازىن، الاش ايبارىن ساعىنىشپەن، قۇرمەتپەن ەسكە الامىن. رۋحىنا فاتيحا! كەشىر ءبىزدى، كەشە گور، دەگدارىم!
ەلدوس توقتارباي
الاشتانۋشى-عالىم
Facebook پاراقشاسىنان
پىكىر قالدىرۋ