بۇرىنعى پرەمەر-مينيستر اسقار مامين ءماجىلىستىڭ بۇرىنعى سپيكەرى نۇرلان نىعماتۋلين جانە قازاقستان فۋتبول فەدەراسياسىنىڭ بۇرىنعى پرەزيدەنتى ادىلبەك جاقسىبەكوۆپەن بىرگە تۇسكەن سۋرەتىنە بايلانىستى پىكىر ءبىلدىردى، دەپ جازادى nur.kz پورتالى.

اسقار مامين فوتونىڭ شىن ەكەنىن جانە ول نۇر-سۇلتاندا تۇسىرىلگەنىن ايتادى.

"راسىندا، وتكەن جەكسەنبىدە (4 قىركۇيەك) نۇر-سۇلتانداعى مەيرامحانالاردىڭ بىرىندە تۇسكى ۋاقىتتا جاقىن تۋىستارىم ۇيىمداستىرعان قازاقتىڭ سالت-داستۇرىنە ساي ("سىرعا سالۋ") شارا ءوتتى. سۋرەت تۋرالى كەيبىر باق-تا ايتىلعان بولجامداردى ورىنسىز جانە ارانداتۋ دەپ سانايمىن. ەلىمىز ءقازىر دامۋدىڭ، ونىڭ ىشىندە ساياسي ترانسفورماسيانىڭ تاريحي كەزەڭىندە تۇر. وسىعان وراي، وسىنداي شەشۋشى كەزەڭدە مەملەكەت باسشىسىنىڭ توڭىرەگىنە توپتاسىپ، ارانداتۋشىلار مەن دەسترۋكتيۆ ماقساتتاعى ادامدارعا ەشقانداي مۇمكىندىك بەرمەۋ كەرەك دەپ ەسەپتەيمىن" دەگەن مامين.