وپپوزيسيالىق ساياساتكەر، جۋرناليست رىسبەك سارسەنبايدى ەلوردادا پوليسيانىڭ ارنايى جاساعى ۇستاپ اكەتكەن. بۇل تۋرالى ساياساتكەر بولات ءابىلوۆ حابارلادى.
ءابىلوۆتىڭ سوزىنشە، رىسبەك سارسەنباي استاناعا قاڭتار وقيعاسى بويىنشا ۇستالعان ازاماتتاردىڭ تەرگەۋىن ءادىل جۇرگىزۋدى تالاپ ەتۋ ءۇشىن ۇكىمەت ءۇيىنىڭ الدىنا جينالعان ايەلدەردى قولداۋ ءۇشىن بارعان. سونداي-اق ول ساياستكەردى ۇستاۋ كەزىندە ونى جۇلقىلاعانىن، پوليسيا بولىمىندە وعان مەديسينالىق كومەك كورسەتىلگەنىن ايتىپ، باسسىزدىقتى توقتاتۋدى تالاپ ەتەدى.
كەشە الماتىدا وپپوزيسيالىق كوزقاراستاعى ساياساتكەر، قوعام بەلسەندىسى، تاۋەلسىز باقىلاۋشىلاردان تۇراتىن توپ مەرزىمىنەن بۇرىن پرەزيدەنت سايلاۋىن وتكىزۋ باستاماسىنا بايلانىستى باسپا ءسوز ءماسليحاتىن وتكىزىپ، دەموكراتيالىق كۇشتەر كواليسياسىن قۇراتىنىن مالىمدەپ، بيلىككە ۇندەۋ جولداعان. كواليسيا قاتارىندا رىسبەك سارسەنباي مەن بولات ءابىلوۆ بار.
پىكىر قالدىرۋ