قاسىم-جومارت توقايەۆ نۇر-سۇلتان قالاسىنىڭ اتاۋىن وزگەرتۋگە بايلانىستى پىكىر ءبىلدىردى. بۇل تۋرالى پرەزيدەنتتىڭ باسپا ءسوز حاتشىسى رۋسلان جەلدىباي ءوزىنىڭ facebook پاراقشاسى ارقىلى حابارلادى.
"پارلامەنتتەگى دەپۋتاتتار توبى ەلوردانىڭ بۇرىنعى استانا اتاۋىن قايتارۋ تۋرالى ۇسىنىس بىلدىرگەنى ءمالىم. دەپۋتاتتاردىڭ بۇل باستاماسى تۋرالى پرەزيدەنت حاباردار. حالىق قالاۋلىلارى، ءوز كەزەگىندە تۇرعىندارمەن كەزدەسۋلەردە ايتىلعان ۇسىنىستارعا، سونداي-اق رەفەرەندۋم كەزىندە ازاماتتاردىڭ كوپتەگەن وتىنىشتەرىنە سۇيەندى.
ءماجىلىس دەپۋتاتتارىنىڭ ۇسىنىسى مەملەكەت باسشىسىنىڭ كەلىسىمىمەن كونستيتۋسيالىق زاڭ جوباسىنا ەنگىزىلدى. پرەزيدەنت قازاقستاننىڭ قازىرگى مەملەكەتتىلىگىن نىعايتۋدا جانە ەلوردانىڭ ىرگەسىن قالاۋدا ن.ءا. نازاربايەۆتىڭ شەشۋشى ءرول اتقارعانى تاريحي فاكت دەپ سانايدى. سوندىقتان تۇڭعىش پرەزيدەنت اتىنداعى باسقا نىساندار ءوز اتاۋلارىن ساقتاپ قالۋى ءتيىس"، دەلىنگەن حابارلامادا.
ەسكە سالايىق، 2 قىركۇيەكتە ءماجىلىس دەپۋتاتتارى نۇر-سۇلتان قالاسىنا استانا اتاۋىن قايتارۋدى ۇسىنعان بولاتىن.
پىكىر قالدىرۋ