الماتى قالاسىنىڭ پروكۋراتۋراسى «اrtsport» باعدارلاماسى ارقىلى بالالاردىڭ سپورتتىق جانە شىعارماشىلىق تاپسىرىستارىن قارجىلاندىرۋ كەزىندە زاڭدىلىقتىڭ ساقتالۋىنا تەكسەرۋ جۇرگىزىپ جاتقانىن حابارلادى.
2021 جىلدىڭ مامىر ايىنان باستاپ الماتىدا باعدارلامانى جۇزەگە اسىرۋعا 12،8 ملرد تەڭگە بولىنگەن.
پروكۋرورلىق تەكسەرۋدىڭ الدىن الا ناتيجەلەرى ءبىرقاتار زاڭ بۇزۋشىلىقتاردى انىقتاعان.
"بيۋدجەت قاراجاتىن جىمقىرۋ بويىنشا قىلمىستىق سحەمالار انىقتالدى. اتاپ ايتقاندا، ەلدەن تىس جەردە، اۋرۋحانادا بولعان جانە سەكسيالار مەن ۇيىرمەلەرگە مۇلدەم قاتىسپاعان 2000-نان استام بالاعا ورىندالعان جۇمىستار اكتىلەرى ۇسىنىلدى. وتكىزىلگەن ساباقتاردىڭ سانى 5000-نان اسادى.
تەك 935 «اrtsport» قاتىسۋشىسى ءىس جۇزىندە سپورت مەكتەپتەرىندە اينالىسادى.
بۇل رەتتە ەڭبەك شارتتارىن جاساسپاعان، زەينەتاقى اۋدارىمدارى جۇرگىزىلمەگەن جاتتىقتىرۋشىلاردىڭ وزدەرىنە قاتىستى دا ەڭبەك قۇقىقتارىن بۇزۋعا جول بەرىلەدى.
اتالعان فاكتىلەر بويىنشا قالا پروكۋراتۋراسى الاياقتىق فاكتىسى بويىنشا قىلمىستىق ءىس قوزعادى.
ءبىرقاتار ماتەريالدار پروسەستىك شەشىم قابىلداۋ ءۇشىن قىلمىستىق قۋدالاۋ ورگاندارىنا بەرىلدى" دەلىنگەن حابارلامادا.
بۇدان باسقا، «اrtsport» پلاتفورماسىنىڭ فۋنكسيونالىنىڭ جۇمىسىندا دا ەلەۋلى ولقىلىقتار انىقتالعان. ماسەلەن، مەملەكەتتىك ورگانداردىڭ اقپاراتتىق جۇيەلەرىمەن بىرىكتىرىلمەگەن، بالالاردىڭ دەربەس دەرەكتەرى قورعالماعان.
قازىرگى ۋاقىتتا مامانداردى تارتا وتىرىپ، تەكسەرۋ جۇرگىزىلىپ جاتىر.
پىكىر قالدىرۋ