سىرتقى ىستەر ءمينيسترى مۇحتار تىلەۋبەردى قازاقستان بىتىمگەرشىلىك كونتينگەنتىن ارمەنياعا جىبەرمەيتىنىن ءمالىم ەتتى، دەپ جازادى informburo.kz 

مينيستر قازاقستان وبەكتيۆتى دەرەكتەر العىسى كەلەتىنىن، ويتكەنى ەكى جاقتان دا قاراما-قايشى مالىمەتتەر كەلىپ ءتۇسىپ جاتقانىن جەتكىزدى.

"ۇقشۇ باس حاتشىسى جانجال بولعان جەرگە بارىپ، جاعدايمەن تولىق تانىسقاننان كەيىن مەملەكەت باسشىلارىن حاباردار ەتۋ كەرەكتىگى تۋرالى شەشىم قابىلداندى. ازەربايجان مەن ارمەنيا اراسىنداعى شەكارا شەگەندەلمەگەن، سوندىقتان شەكارانى بۇزۋ تۋرالى ايتۋ دا قيىن. قازىرگى ءبىرىنشى مىندەت – ارميان-ازەربايجان شەكاراسىن دەليميتاسيالاۋ جانە دەماركاسيالاۋ جونىندەگى بىرلەسكەن كوميسسيانىڭ جۇمىسىن قايتا باستاۋ" دەدى مۇحتار تىلەۋبەردى الەمدىك جانە ءداستۇرلى دىندەر ليدەرلەرىنىڭ VII سەزىاياسىندا.

سونداي-اق ول قازاقستاندىق بىتىمگەرلەردى  جىبەرۋ ماسەلەسى جايلى سۇراققا دا جاۋاپ بەردى.

"جوق، ازىرگە مۇنداي سۇراق تۋىندامايدى"، – دەدى ول.

13 قىركۇيەككە قاراعان ءتۇنى ازەربايجان-ارمەنيا شەكاراسىندا اسكەري قاقتىعىس باستالىپ، ەكى تاراپتان دا جارالانعاندار مەن قازا تاپقاندار بارى حابارلانعان.

ارمەنيا مەن ازەربايجان اسكەري قاقتىعىسقا قاتىستى ءارتۇرلى اقپارات تاراتىپ، ءبىر-بىرىن ايىپتاعان.