باسىلىم مالىمەتىنشە، پيكەت باستالعان سوڭ كوپ وتپەي ولاردى اۋەجايدىڭ پوليسيا قىزمەتكەرلەرى كەزەكشى بولىمگە الىپ كەتكەن. "مەنىڭ نەگىزگى ماقساتىم – ۋكراين حالقىن قولداۋ" دەگەن قاراگوز قاسىم پوليسيا بولىمىندە وتىرىپ.

– رەسەي ازاماتتارىنىڭ ءقازىر قازاقستانعا كەلۋىنە قارسىمىن. بۇل تەك مەنىڭ عانا ويىم ەمەس. وسى ارەكەت ارقىلى قوعامدا بولىپ جاتقان رەزونانستى كورسەتتىم. ەرتەڭ ولاردىڭ سەپاراتيستىك قوزعالىستاردى قورعاپ، ەلىمىزگە ءقاۋىپ تونگەن كەزدە پىشاق سۇقپاسىنا ەشكىم كەپىل ەمەس، – دەيدى ول.

ەكى ازامات پوليسيا بولىمىندە جارتى ساعاتتاي وتىرعان سوڭ بوساعان.

– بۇل كىسىلەرمەن پروفيلاكتيكالىق اڭگىمە جۇرگىزىلدى. باسقا ەشتەڭە ەمەس. نە ماقساتپەن كەلگەنىن سۇرادىق. اۋىزشا تۇردە ەسكەرتۋ جاسالدى، – دەگەن پوليسيا وكىلى ەرنار تاسقىن ازاتتىق تىلشىسىنە.

الايدا قاراگوز قاسىم ازاتتىق جۋرناليسىنە پوليسيا "ۇساق بۇزاقىلىق" بابىمەن نەمەسە رۇقسات ەتىلمەگەن پيكەت وتكىزدىڭدەر دەگەن ايىپپەن جازاعا تارتامىز دەگەنىن جەتكىزگەن. جۋرناليستەر كەلگەن سوڭ ول تۋرالى اڭگىمە قايتا قوزعالمادى دەيدى.

"ول پيكەت كەزىندە جولاۋشىلاردىڭ رەاكسياسى ءارتۇرلى بولعانىن ايتادى. "كەيبىرى قارسى پىكىر ءبىلدىردى، ءبىراق كوپشىلىگى قولدادى. ادەكۆات ادامدار باسىم ەكەن" دەيدى" دەپ جازدى ازاتتىق راديوسى.

21 قىركۇيەكتە رەسەي پرۋزيدەنتى ۆلاديمير پۋتين ءىشىنارا موبيليزاسيا تۋرالى جارلىققا قول قويعاننان كەيىن، ۋكراينامەن سوعىسقا بارعىسى كەلمەيتىن رەسەي ازاماتتارى كورشىلەس ەلدەرگە اعىلا باستادى. رەسەي-قازاقستان شەكاراسىندا ۇزىن-سونار كەزەك ورناپ، تاياۋ كۇندەردىڭ اۋە بيلەتتەرى جىلدام ساتىلىپ كەتتى. قالعان بيلىەتتەردىڭ باعاسى اسپانداپ تۇر. قازاقستاندىقتار ەلگە اعىلىم جاتقان رەسەيلىكتەرمەن كوپتەگەن ماسەلە دە ىلىسە كەلەتىنىنەن ايتىپ، الاڭداۋشىلىعىن ءبىلدىرىپ جاتىر. شەكارانى جابۋ كەرەك دەيتىندەر دە از ەمەس.

بيلىك رەسەيلىكتەردىڭ ۇدەرە كەلۋىنە توسقاۋىل قويىلمايتىنىن، ءبىراق زاڭ شەڭبەرىندە قابىلاناتىنىن حابارلادى. ىشكى ىستەر مينيسترلىگىنىڭ كوشى-قون قىزمەتىنىڭ مالىمەتىنشە، بيىل ەلگە 1 660 000 رەسەي فەدەراسياسىنىڭ ازاماتى كەلگەنىن، ونىڭ 1 640 000 كەتكەنىن ايتادى.