"ەۋرازيالىق ەكونوميكالىق وداققا مۇشە مەملەكەتتەردىڭ ازاماتتارى ءۇشىن قازاقستان رەسپۋبليكاسىندا بولۋدىڭ رۇقسات ەتىلگەن مەرزىمى مەملەكەتتىك شەكارادان وتكەن كۇننەن باستاپ، ورتاق ەرەجە بويىنشا 90 كۇننەن كەيىن اياقتالادى. ستاتيستيكاعا سۇيەنسەك، بيىل قازاقستانعا 4،3 ملنعا جۋىق شەتەلدىك كەلسە، 4،1 ملن كەتكەن، ونىڭ ىشىندە 1 660 000 رەسەي فەدەراسياسىنىڭ ازاماتتارى كەلگەن جانە 1 640 000 كەتكەن. ولاردىڭ ۋاقىتشا بولۋى ەسەپتە. ءارقايسىسىنىڭ ءتولقۇجات دەرەكتەرى مەن كىرۋ كۇندەرى، ولار تۋرالى تولىق اقپارات بار. كوشى-قون پروسەستەرىنە مونيتورينگ جۇرگىزىلۋدە. ىشكى ىستەر ورگاندارى كەلۋشىلەردىڭ بەلگىلەنگەن بولۋ ەرەجەلەرىنىڭ ساقتالۋىن باقىلاۋدا. شەتەلدiكتiڭ ەلدە بولۋ مەرزiمi اياقتالسا، وعان قاتىستى زاڭدا كوزدەلگەن شارالار قولدانىلادى. باقىلاۋ بارىسىندا كوشى-قون زاڭناماسىن بۇزعان 45 700 ادام اكىمشىلىك جاۋاپكەرشىلىككە تارتىلىپ، ونىڭ 4200ء-ى ءماجبۇرلى تۇردە قازاقستاننان شىعارىلدى. ونىڭ ىشىندە كوشى-قون زاڭناماسىن بۇزعان 3200 رەسەيلىك جاۋاپقا تارتىلعان. بۇل ەلگە كەلگەن رەسەي فەدەراسيا ازاماتتارىنىڭ تەك ءنول ءبۇتىن وننان ەكى پايىزىن قۇرايدى. بۇل ستاتيستيكا ولاردىڭ قازاقستاندا بولۋ شارتتارىن ساقتاۋ ءتارتىبىن كورسەتەدى. ەگەر ونى بۇزعان جاعدايدا قازاقستاننان ماجبۇرلەپ شىعارۋ 5 جىل مەرزىمگە ەلىمىزگە قايتا كىرۋگە تىيىم سالۋ تۇرىندەگى قوسىمشا سانكسيانى قاراستىرادى" دەلىنگەن اقپاراتتىق حابارلامادا.