بۇگىن ەكس-پرەزيدەنت نۇرسۇلتان نازاربايەۆتىڭ نەمەرە ءىنىسى قايرات ساتىبالدىنىڭ ءىسى بويىنشا كەزەكتى سوت وتىرىسى ءوتتى. پروكۋرور ايىپتالۋشىنى 6 جىلعا قاماۋدى سۇرادى، دەپ حابارلادى Sputnik قازاقستان.
پروكۋرور جانگەلدى ەسەبايەۆ ساتىبالدىنى ۇلتتىق قاۋىپسىزدىك ورگاندارىنىڭ "گەنەرال-مايور" شەنىنەن، "قۇرمەت" پەن "پاراسات" وردەندەرىنەن ايىرۋ قاجەت دەپ سانايدى. سۋديا پروكۋروردىڭ ءوتىنىشىن قاناعاتتاندىرسا، قايرات ساتىبالدىعا بەلگىلى ءبىر لاۋازىمداردى 10 جىل اتقارۋعا دا تىيىم سالىنادى.
بۇعان دەيىن قايرات ساتىبالدىنىڭ "كولىك قىزمەتى ورتالىعى" كومپانياسىنا 28 ملرد تەڭگەنى، "قازاقتەلەكوم" كومپانياسىنا 12 ملرد تەڭگەنى وتەپ بەرگەنى تۋرالى ايتىلدى. سونداي-اق، ايىپتالۋشى مەدياتيۆتى كەلىسىم جاساعان. الايدا كولىك قىزمەتى ورتالىعى ءوز كەلىسىمىن كەرى قايتارعان بولاتىن. بۇگىن كومپانيا جاڭا مەدياتيۆتى كەلىسىمىن ۇسىندى.
ايىپتالۋشى قايرات ساتىبالدى ءوز كىناسىن مويىنداپ، وكىنەتىنىن جەتكىزدى. ول قىلمىستىق كودەكستىڭ ەكى بابى بويىنشا ايىپتالىپ وتىر. ەرتەڭ، 23 قىركۇيەكتە سوت شەشىمى شىعادى.
پىكىر قالدىرۋ