الداعى كۇندەرى قازاقستاننىڭ ۋكرايناداعى ەلشىلىگىنىڭ قىزمەتكەرلەرى ەۆاكۋاسيالانباق. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ جازادى ينفورمبيۋرو سايتى.
"ەلشىلىك ءقازىر ىستەپ تۇر. ەلشىلىكتى جابۋ تۋرالى ەمەس، قىزمەتكەرلەردى كوشىرۋ تۋرالى ماسەلە كوتەرىلىپ جاتىر. جاقىن كۇندەرى ماسەلەنى شەشەمىز، قىزمەتكەرلەردى تولىعىمەن ەۆاكۋاسيالايتىن شىعارمىز" دەدى ايبەك سمادياروۆ جۋرناليستەرگە.
ول اقپارات قۇبىلىپ تۇرعانىمەن ءتۇسىندىرىپ، ۋكراينادا قانشا قازاقستاندىق جۇرگەنىن ءدال ايتا المادى. سوزىنشە، كوبى العاشقى ەۆاكۋاسيادا كەتىپ قالعان، قايتىپ كەلگەندەر دە بار بولۋى مۇمكۋىن.
قىرىم كوپىرىندەگى اپاتتان كەيىن كەشە رەسەي ۋكراينانىڭ بىرنەشە قالاسىنا زىمىرانمەن سوققى جاساپ، جارالىس ۇيىمداستىرعان. ەل استاناسى كييەۆتىڭ ءبىر عانا شيەۆچەنكو اۋدانىندا بىرنەشە ءدۇمپۋ بولعان.
