قازگيدرومەت 18-20 قازان كۇندەرىنە ارنالعان اۋا رايى بولجامىن حابارلاپ، التى وبلىستا داۋىلدى ەسكەرتۋ جاريالانعانىن ءمالىم ەتتى. 

سينوپتيكتەردىڭ سوزىنشە، الداعى كۇندەرى رەسپۋبليكانىڭ باسىم بولىگىندە، ەلدىڭ وڭتۇستىك-شىعىسىنداعى تاۋلى اۋدانداردا جاڭبىر جاۋادى، تۇنگى ۋاقىتتا قازاقستاننىڭ سولتۇستىك جارتىسىندا جاۋىن-شاشىن جاڭبىر مەن قار تۇرىندە ءتۇسۋى مۇمكىن. قازاقستان بويىنشا جەل كۇشەيىپ، باتىستا، شىعىستا، ەلدىڭ وڭتۇستىك جانە وڭتۇستىك-شىعىسىنداعى تاۋلى اۋدانداردا تۇمان ءتۇسۋى ىقتيمال.

باتىس قازاقستان، اقتوبە، پاۆلودار وبلىسىندا تۇمان ءتۇسىپ، تۇركىستان، سولتۇستىك قازاقستان جانە جەتىسۋ وبلىسىندا سولتۇستىك-باتىستان جەل سوعىپ، ەكپىنى سەكۋندىنا 15-20 مەترگە جەتەدى.

اۋا تەمپەراتۋراسى:

– باتىستا، سولتۇستىك-باتىستا تۇندە +3-تەن +8-گە دەيىن، كۇندىز +10-نان +20-عا دەيىن؛

– سولتۇستىكتە تۇندە +2-دەن +7 گرادۋسقا دەيىن، كۇندىز +7-دەن +12-گە دەيىن؛

– ەلدىڭ ورتالىعىندا 3-8 گرادۋس ارالىعىندا جىلى، كۇندىز 5-19 گرادۋس جىلى؛

– شىعىستا تۇندە 5 گرادۋسقا دەيىن سالقىنداۋى مۇمكىن، كۇندىز نەگىزگى فون 5-13 گرادۋس جىلى بولادى؛

– وڭتۇستىكتە تۇندە 2-7 نولدەن جوعارى، كۇندىز 10-20 جىلى؛

– وڭتۇستىك-شىعىستا تۇندە -5 گرادۋس سۋىق، كۇندىز +5+15 گرادۋس جىلى.