"ورىس تىلىندە سويلەگەندەرگە قازاقشا جاۋاپ بەرۋ تومەنگى مادەنيەت كورىنىسى" دەگەن ءسوزى ارقىلى ءقازاقتىلدى اۋديتوريانىڭ نارازىلىعىن تۋدىرعان كاسىپكەر راميل مۋحورياپوۆ كوپشىلىكتەن كەشىرىم سۇرادى. كاسىپكەر ءسوزىن قازاقشا باستاپ، كەيىن ورىس تىلىندە جالعاستىرعان.
"ەڭ الدىمەن بارلىعىنان كەشىرىم سۇراعىم كەلەدى. ەشكىمدى رەنجىتەيىن دەگەن نيەتىم بولمادى. دۇرىس ايتاسىزدار. مەن ۆيدەودا ايتقاندارىمدى قايتا قاراپ شىقتىم. ۆيدەودا دورەكى پىكىر ءبىلدىرىپ، قاتتى كەتكەن جەرىم بار ەكەن. مەن قازاقستان ازاماتىمىن. الماتى قالاسىندا تۋىپ ءوستىم. ءبىزدىڭ كومپانيا قىزمەتكەرلەرىنىڭ 98 پايىزى – قازاقستاندىقتار. ءبىز سالىقتى ۋاقىتىلى تولەپ وتىرمىز. مەن قازاق ءتىلىنىڭ ماڭىزىن جاقسى تۇسىنەمىن"، دەدى راميل مۋحورياپوۆ instagram پاراقشاسىندا.
كاسىپكەر "ChocoFamily" قوسىمشالارىن قازاق تىلىنە اۋدارۋدى قولعا العانىن جەتكىزىپ، ءوزى دە قازاقشا ۇيرەنۋگە ۋادە بەردى.
"قوسىمشالاردىڭ ءبىرازى قازاق تىلىنە اۋدارىلعان، اۋدارىلىپ جاتقاندارى دا بار. مەن قازاق ءتىلىن جارتىلاي بولسا دا تۇسىنەمىن. الايدا جاقسى سويلەي المايمىن. الداعى ۋاقىتتا قازاق ءتىلىن ۇيرەنەتىن بولامىن. دوستار، تاعى دا سىزدەردەن كەشىرىم سۇرايمىن"، دەپ ءسوزىن اياقتادى كاسىپكەر.
بۇعان دەيىن راميل مۋحورياپوۆتىڭ رەسەيلىكتەرمەن كەزدەسۋدە "ورىس تىلىندە سويلەگەندەرگە قازاقشا جاۋاپ بەرۋ تومەن مادەنيەت كورىنىسى" دەپ ايتقان ءسوزى ءقازاقتىلدى اۋديتوريانىڭ قاتاڭ سىنىنا ۇشىراپ، نارازىلىعىن تۋدىرعان. كەي ازاماتتار كاسىپكەر يەلىك ەتەتىن "ChocoFamily" كومپانيالارىڭ ونىمدەرىنە بويكوت جاريالاۋعا، ونىمدەرىن تۇتىنباۋعا ۇندەگەن.
پوسموترەت ەتۋ پۋبليكاسيۋ ۆ Instagram
پىكىر قالدىرۋ