الماتى وبلىسىنىڭ پروكۋراتۋراسى 305 مەملەكەتتىك قىزمەتكەر 507 ملن تەڭگەنى قۇمار ويىنىنا جۇمساعانىن انىقتادى. تەرگەۋ قۇجاتتارىن جۋرناليست ميحايل كوزاچكوۆ ءوزىنىڭ Telegram كانالىنا جاريالادى.
قۇجاتتا پروكۋرورلار ويىنحانالار مەن ويىن اۆتوماتتارىنىڭ قىزمەتىن تەكسەرۋ بارىسىندا قۇمار ويىنعا اقشا تىگىپ جۇرگەن 305 شەنەۋنىكتى انىقتاعانى ايتىلادى.
"مەملەكەتتىك مەكەمە قىزمەتكەرلەرىنىڭ قۇمار ويىنعا جۇمساعان قاراجاتى:
- ق ر Iشكi iستەر مينيسترلiگi – 97 ملن؛
- ق ر قورعانىس مينيسترلىگى – 95 ملن؛
- ق ر قارجى مينيسترلىگى – 25 ملن؛
- جەرگiلiكتi اتقارۋشى ورگاندار – 36 ملن؛
- ق ر قارجى مونيتورينگى اگەنتتىگى – 15 ملن؛
- ق ر جوعارعى سوتى – 7 ملن؛
- ق ر سىبايلاس جەمقورلىققا قارسى ءىس-قيمىل اگەنتتىگى – 3 ملن؛
- باسقا مەملەكەتتىك ورگاندار – 27 ملن"، - دەپ كورسەتىلگەن قۇجاتتا.
الماتى وبلىسى پروكۋراتۋراسىنىڭ باسپا ءسوز قىزمەتى قۇجاتتاعى اقپاراتتاردى راستادى.
"ءيا، راستايمىز. ءبىز ءتىزىمدى بارلىق مەملەكەتتىك ورگاندارعا شارا قولدانۋعا جىبەردىك"، - دەدى پروكۋراتۋرا وكىلدەرى.
پىكىر قالدىرۋ