ەل بىرنەشە شەتەلدەگى ەلشىلىگىندە كادرلىق ءاۋىس-تۇيىس بولدى.
پرەزيدەنت جارلىعىمەن:
الىبەك اسەت ۇلى باقايەۆ قازاقستاننىڭ اۋسترياداعى توتەنشە جانە وكىلەتتى ەلشىسى، قازاقستاننىڭ ۆەنا قالاسىنداعى حالىقارالىق ۇيىمدار جانىنداعى تۇراقتى وكىلى بولىپ تاعايىندالدى. ول قازاقستاننىڭ شۆەيساريا كونفەدەراسياسىنداعى توتەنشە جانە وكىلەتتى ەلشىسى، قازاقستاننىڭ ليحتەنشتەين كنيازدىگىندەگى، ۆاتيكان مەملەكەتىندەگى، قاسيەتتى يەرۋساليم يواننىڭ، رودوس جانە مالتانىڭ ەگەمەندى اسكەري گوسپيتالەرلەرى وردەنىنىڭ جانىنداعى توتەنشە جانە وكىلەتتى ەلشىسى قىزمەتىن قوسا اتقارۋشى لاۋازىمدارىنان بوساتىلدى.
قايرات اسانياز ۇلى سارجانوۆ قازاقستاننىڭ شۆەيساريا كونفەدەراسياسىنداعى توتەنشە جانە وكىلەتتى ەلشىسى لاۋازىمىنا تاعايىندالدى.
اسقار سەيداحمەت ۇلى قازاقستاننىڭ سينگاپۋرداعى توتەنشە جانە وكىلەتتى ەلشىسى لاۋازىمىنا تاعايىندالدى.
اركەن كەڭەسبەك ۇلى قازاقستاننىڭ سينگاپۋر رەسپۋبليكاسىنداعى توتەنشە جانە وكىلەتتى ەلشىسى، قازاقستاننىڭ جاڭا زەلاندياداعى توتەنشە جانە وكىلەتتى ەلشىسى، قازاقستاننىڭ اۋستراليا وداعىنداعى توتەنشە جانە وكىلەتتى ەلشىسى قىزمەتتەرىن قوسا اتقارۋشى لاۋازىمدارىنان بوساتىلدى.
پىكىر قالدىرۋ