شەكارادا ادام توناپ، اقشا بوپسالاعان ءقاۋىپتى قىلمىستىق توپ ۇستالدى، دەپ حابارلادى ۇقك باسپا ءسوز قىزمەتى.
ۇقك مالىمتىنشە، 2022 جىلعى 11 قازاندا الماتى، اقتاۋ، ماڭعىستاۋ وبلىسىنىڭ بەينەۋ جانە اقجىگىت كەنتىندە قوعامعا ءقاۋىپتى "بەينەۋلىكتەر" قىلمىستىق توبىنىڭ زاڭعا قايشى ارەكەتىنىڭ جولىن كەسۋ بويىنشا ارنايى وپەراسيا ىسكە اسىرىلعان.
"توپ مۇشەلەرى "تاجەن" وتكىزۋ پۋنكتىندە (قازاقستان مەن وزبەكستان اراسىنداعى مەملەكەتتىك شەكارا) شەتەلدىكتەر مەن جەكە تاسىمالداۋشىلاردان جۇيەلى تۇردە اقشا بوپسالادى جانە وزگە دە اۋىر قىلمىستارعا قاتىسى بار دەگەن كۇدىككە ىلىنگەن"، دەپ حابارلادى ۇقك.
ارنايى وپەراسيا بارىسىندا قىلمىستىق توپ باسشىسى مەن 5 بەلسەندى مۇشەسى ۇستالعان. ولارعا قاتىستى قاماۋدا ۇستاۋ بۇلتارتپاۋ شاراسى بەكىتىلگەن.
پىكىر قالدىرۋ