اسقارالى شىڭدارىمەن اسپانمەنەن استاسقان الاتاۋدىڭ باۋرايىندا ورنالاسقان قازۇۋ قالاشىعى تالاي جاستىڭ ستۋدەنتتىك ءومىرىنىڭ قىزىقتى قۇپيالى سىرىن بويىنا بۇگىپ جاتقانداي كورىنەدى.   وسى رومانتيكاعا تولى قازۇۋ-دا ءبىزدىڭ شەتەلدەن قانداس باۋىرلارىمىز قازاق جاستارى دا ءبىلىم الۋعا كەلەدى. شەتەلدەن قازاق جاستارى ءبىلىم جولىنداعى العاشقى قادامىن اۋەلى جوو-عا دەيىنگى ءبىلىم بەرۋ فاكۋلتەتىنىڭ دايىنداۇ كۋرسىندا وقۋدان باستايدى.

ءال-فارابي اتىنداعى قازاق ۇلتتىق ۋنيۆەرسيتەتى جوعارى وقۋ ورنىنا دەيىنگى دايىندىق كافەدراسىندا (مالىمەتپەن تولىعىراق https://www.kaznu.kz سايتىنان تانىسا الاسىزدار) قازاقستاندىق جوعارى وقۋ ورنىنا ءتۇسۋ ءۇشىن بولون ۇدەرىسى بويىنشا وقيتىن شەتەل ازاماتتارى جانە ۇبت سىناعىنا دايىندالۋعا كەلگەن شەتەلدىك قازاق جاستارىمەن قاتار وتاندىق جاستار دا اقىلى بولىمدە دە ءبىلىم الادى. كافەدرانىڭ ۇستازدار ۇجىمى دايىندىق كۋرسىنىڭ تىڭداۋشى جاستارىنا ساپالى بىلىممەن سانالى تاربيە بەرۋ جۇمىستارىن ۇشتاستىرا جۇرگىزەدى. بىزدە ءبىلىم الۋ ۇدەرىسى 9 ايدىڭ اۋقىمىندا، قىسقا عانا مەرزىمدە بولسا دا، تىڭداۋشىلاردىڭ  ۋاقىتى قىزىقتى وتەدى: ولار كافەدرا، فاكۋلتەت، ۋنيۆەرسيتەت دەڭگەيىندە وتەتىن ءارتۇرلى ءىس-شارالارعا بەلسەنە قاتىسادى. رەسپۋبليكالىق، حالىقارالىق  دەڭگەيدە ۇيىمداستىرىلعان سپورتتىق، پاندىك وليمپيادالارعا، ونەر جانە شىعارماشىلىق بايقاۋلارعا سايىستارعا قاتىسىپ، جۇلدەلى ورىنداردى جەڭىپ الىپ جاتادى.

كافەدرادا «قوش كەلدىڭ. قازاقستانعا!»، «اتامەكەن – التىن بەسىك»، «تاۋەلسىزدىك – تۇعىرىم»، «الەمگە ورتاق مەرەكە»، «ارمىسىڭ، ءاز ناۋرىز!» سەكىلدى  ت.ب. ۇلتتىق مەرەكەلەر مەن حالىقارالىق مەيرامدارعا، اتاۋلى كۇندەرگە وراي ءداستۇرلى  سالتاناتتى شارالار،  كونسەرتتىك باعدارلامالار وتكىزىلەدى. ەلىمىزدىڭ تۇركىستان، تاراز سەكىلدى تاريحي تاعىلىمدى قالالارىنا جانە تابيعاتتىڭ تاماشا سىيى، ءىنجى-مارجاندارىمىز: شارىن شاتقالى، ەسىك كقلى، تۇرگەن سارقىراماسى، مەدەۋ مۇزايدىنىنا، كوكتوبەگە، شىمبۇلاققا، قايىڭدى كولگە جانە تاعى دا باسقا كھرنەكتى جەرلەرگە ساياحاتتايدى.

تاۋەلسىز قازاقستاننىڭ قازىرگى ساياسي-قوعامدىق تىنىسىنا، مادەنيەتىنە، سالت-داستۇرىنە بەيىمدەۋ جانە ۇلتتىق قۇندىلىقتارىمىزدى دارىپتەپ، ولاردى قۇرمەتتەۋگە باۋلۋ ماقساتىنا ارنالعان الەۋمەتتىك-تاربيەلىك ماڭىزى زور ىس-شارالارمەن قاتار تىڭداۋشىلاردى ءعىلىم-بىلىم جولىنا جەتەلەيتىن عىلىمي سەمينارلار، ۆيەۆينارلار، جاس عالىمدار كونفەرەنسياسى ۇيىمداستىرىلادى.

اعىمداعى وقۋ جىلى شەتەلدىك جاستار ءۇشىن ەلىمىزدىڭ اسەم قالاسى الماتىنى تانىستىرۋعا ارنالعان مادەني-تانىمدىق ساياحات ساباعى مەن كەڭپەيىل قازاق حالقىنىڭ قوناقجايلىلىعى مەن قايىرىمدىلىعىن، ۇلتتىق مادەنيەتىن، وركەنيەتتى ءومىر تىنىسىن تەرەڭىرەك تانىستىرۋ ماقساتىندا، رەسپۋبليكا كۇنىنىڭ قۇرمەتىنە وراي «قوش كەلدىڭدەر، قازاقستانعا» اتتى مەرەكەلىك ءىس-شارا ۇيىمداستىرىلادى. ءىس-شارانى فاكۋلتەت ، كافەدرا باسشىلىعىنىڭ جەتەكشىلىگىمەن جوو-عا دەيىنگى دايىندىق كافەدراسىنىڭ كۋراتور-ەدۆايزەرلەرى وتكىزەدى.

ولاردىڭ جاڭا تانىستىعى، جاڭا دوستارمەن كەزدەسۋى، ءبىلىم قۋعان ىزدەنىس پەن رومانتيكاعا تولى قىزىقتى دا جارقىن ستۋدەنتتىك ومىرلەرىنىڭ العاشقى قادامى وسىلايشا ءبىزدىڭ كافەدرانىڭ قىز-قىز قايناعان ونەگەلى ومىرىنەن، تاعىلىمدى تالىمىنەن، ۇلاعاتتى ىلىمىنەن  باستالادى.

ءال-فارابي اتىنداعى قازاق ءۇلتتىق ۋنيۆەرسيتەتى

جوو-عا دەيىنگى دايىندىق كافەدراسىنىڭ اعا وقىتۋشىلارى

نارالييەۆا ر.ت.؛ بەگالييەۆا ا.ك.