الماتى وبلىسىندا جوعالعان بالالار ءبىر تاۋلىك ىشىندە تابىلدى، دەپ حابارلادى Polisia.kz. تاۋ اراسىندا ءبىر كۇن بويى اداسىپ جۇرگەن بالالاردى جەرگىلىكتى تۇرعىن تاۋىپ العان.
25 قازاندا تالعار اۋدانى پب كەزەكشى ءبولىمىنىڭ پۋلتىنە جەرگىلىكتى تۇرعىننان كامەلەتكە تولماعان بالالاردى ىزدەستىرۋگە جاردەم كورسەتۋ تۋرالى حابارلاما كەلىپ تۇسكەن. ول سول كۇنى ساعات 10:30 شاماسىندا 6 جاسار ۇلى كامەلەتكە تولماعان ەكى باۋىرىمەن بىرگە ۇيدەن شىعىپ، ورالماعانىن ايتقان.
"كامەلەتكە تولماعانداردى ىزدەستىرۋگە ءوڭىردىڭ جەكە قۇرامى دەرەۋ باعىتتالدى جانە پوليسيانىڭ بارلىق كەشەندى كۇشتەرى مەن ناريادتارىنا باعدارلار جىبەرىلدى. الماتى وبلىسى پوليسيا دەپارتامەنتى باستىعىنىڭ جەكە باقىلاۋىندا بولعان ىزدەۋ ءىس-شارالارىنا ەرىكتىلەر دە قوسىلدى. ناتيجەسىندە كەزەكشى تاۋلىك ىشىندە كامەلەتكە تولماعانداردى بەساعاش اۋىلىنان 12 شاقىرىم جەردە بەسقاينار اۋىلدىق وكرۋگىنىڭ تاۋلى جەرىنەن “تاباعان” تا باعىتىندا جەرگىلىكتى تۇرعىن تاپتى. قازىرگى ۋاقىتتا كامىلەتكە تولماعان بالالار ۇيلەرىنە امان-ەسەن ورالدى" دەلىنگەن حابارلامادا.
پىكىر قالدىرۋ