بۇگىن ق ر پرەزيدەنتتىگىنە كانديدات قاسىم-جومارت توقايەۆ رەسپۋبليكالىق قوعامدىق شتابتا «ادىلەتتى قازاقستان: ءبارىمىز جانە ءارقايسىمىز ءۇشىن. ءقازىر جانە ءاردايىم» اتتى سايلاۋالدى باعدارلاماسىن جاريالادى. وندا كانديدات اۋىل شارۋاشىلىعى سالاسىندا 350 مىڭنان استام جاڭا جۇمىس ورنىن اشۋعا، كووپەراتيۆتەردى دامىتۋ ءۇشىن بيۋدجەتتەن 1 تريلليون تەڭگەدەن استام قاراجات بولۋگە ۋادە بەردى.
«اۋىل شارۋاشىلىعى ەل ەكونوميكاسىنىڭ جاڭا قوزعاۋشى كۇشىنە اينالادى. الداعى ءۇش جىل اۋىلدىق ايماقتاردى بارىنشا دامىتۋعا ارنالادى. اۋىلداعى تۇرمىستىڭ قالاداعى سياقتى جايلى بولۋىنا كۇش سالامىز. يگەرىلمەي بوس جاتقان جەرلەردى مەملەكەتتىڭ مەنشىگىنە قايتارۋ جۇمىستارىن تىڭ قارقىنمەن جالعاستىرامىز»، – دەدى حالىقتىق كواليسيانىڭ كانديداتى.
سونداي-اق باعدارلامادا اۋىلدىق جەرلەردى دامىتۋدىڭ كەشەندى تۇجىرىمداماسىن قابىلداۋ جانە ەلىمىزدە اۋىل شارۋاشىلىعى كووپەراتيۆتەرىن قۇرۋ جوسپارلارى كورىنىس تاپتى. كانديداتتىڭ ايتۋىنشا، جەكە قوسالقى شارۋاشىلىقتاردىڭ تەڭ جارتىسىن سونىڭ قۇرامىنا كىرگىزۋ كوزدەلىپ وتىر.
«اۋىل شارۋاشىلىعى سالاسىندا 350 مىڭنان استام جاڭا جۇمىس ورىندارى اشىلادى. جالپى، كووپەراتيۆتەردى دامىتۋ ءۇشىن بيۋدجەتتەن 1 تريلليون تەڭگەدەن استام قاراجات جۇمسالادى. سونىڭ ارقاسىندا ارتىق دەلدالدان قۇتىلىپ، اۋىل ەڭبەككەرلەرىنىڭ تابىسىن ەداۋىر ارتتىرۋعا مۇمكىندىك تۋادى»، – دەدى قاسىم-جومارت توقايەۆ.
كانديدات سۋارمالى ەگىنشىلىكتى دامىتۋ باستى باعىتقا اينالىپ، ونىڭ جالپى كولەمى ەكى ەسە ارتاتىنىن دا العا تارتتى. ەڭ قىمبات قازىنا سانالاتىن سۋدى ۇنەمدەۋگە دە ەرەكشە ءمان بەرىلەتىنىن اتاپ ءوتتى.
«سۋ ۇنەمدەيتىن تەحنولوگيانى قولدانۋعا ايرىقشا كوڭىل بولىنەدى. ءبىز ۇزىندىعى 3،5 مىڭ شاقىرىم بولاتىن سۋارمالى كانالداردى قايتا جاڭعىرتامىز. سونداي-اق 25 بوگەن سالىنادى. 16 سۋ قويماسىن كۇردەلى جوندەۋدەن وتكىزەمىز»، – دەدى كانديدات.
سونىمەن قاتار كانديدات ەلىمىزدىڭ 60 پايىزى گازبەن قامتاماسىز ەتىلەتىنىن، ال تۇرعىنداردىڭ جايلى ءومىر ءسۇرۋى ءۇشىن 7 جىلدا 111 ميلليون شارشى مەتر تۇرعىن ءۇي پايدالانۋعا بەرىلەتىنىن جەتكىزدى.
«قۋاتتى وڭىرلەر – قۋاتتى ەل» قاعيداسى مەملەكەتتىك ساياساتتىڭ باستى باعىتى بولىپ قالا بەرەدى. وڭىرلىك ساياسات ادىلەتتى بولسا، ءىرى قالالارداعى جانە شاعىن اۋىلدارداعى جۇرت جايلى ءومىر سۇرەدى. ەلىمىزدە الداعى 7 جىلدا 111 ميلليون شارشى مەتر تۇرعىن ءۇي پايدالانۋعا بەرىلەدى. ۇلەسكەرلەردى تىعىرىققا تىرەگەن داۋلى ۇيلەردىڭ قۇرىلىسى تۇگەل اياقتالادى»، – دەدى قاسىم-جومارت توقايەۆ.
كانديدات 40 مىڭعا جۋىق اپاتتى جانە توزىعى جەتكەن تۇرعىن ءۇي يەلەرى باسپانالى بولاتىنىن اتاپ ءوتتى. بۇعان قوسا، «7–20–25» يپوتەكا باعدارلاماسى جالعاسىن تابادى. مەملەكەت جاپپاي تۇرعىن ءۇي قۇرىلىسى ءجۇرىپ جاتقان اۋداندارعا ينجەنەرلىك كوممۋنيكاسيا جەلىسىن تارتۋ جۇمىسى جالعاسادى.
قاسىم-جومارت توقايەۆتىڭ ايتۋىنشا، ەلىمىزدىڭ بارلىق ەلدى مەكەندەرى سۋمەن جابدىقتالادى. ال توزىعى جەتكەن كوممۋنالدىق جەلىلەر 40 پايىزعا دەيىن تومەندەيدى. تاس جولداردىڭ ساپالى سالىنۋى جانە جوندەلۋى قامتاماسىز ەتىلەدى. رەسپۋبليكالىق ماڭىزى بار 8 مىڭ شاقىرىم، وبلىستىق جانە اۋداندىق ماڭىزى بار 14 مىڭ شاقىرىم اۆتوجولدار سالىنىپ، قايتا جوندەلەدى.
دايىنداعان: رەسپۋبليكالىق قوعامدىق شتاب
استانا قالاسى، قونايەۆ ك. 12/1
تاپسىرىس بەرۋشى: م. ج. وسپانوۆ
پرەزيدەنتتىككە كانديدات ق.ك.توقايەۆ سايلاۋ قورىنىڭ قاراجاتىنان تولەندى
پىكىر قالدىرۋ