ۇلتى ورىس ازاماتتار قر-دان قايدا كەتەدى جانە قايدان كوبىرەك كەلەدى؟ ەلدە ورىس ۇلتىنىڭ قانشا وكىلى تۇرادى؟ وسى جانە وزگە دە سۇراقتارعا Finprom.kz پورتالى جاۋاپ ىزدەپ كورگەن.

پورتال مالىمەتىنشە، جىل باسىندا ەلدە 3،4 ملن ورىس تۇرعان. بۇل – ءبىر جىل بۇرىنعىدان 1،4 پايىزعا از.

وڭىرلەر بويىنشا ورىس حالقىنىڭ ەڭ كوپ سانى شىعىس قازاقستان وبلىسىندا تىركەلگەن. ول جەردە 469،7 مىڭ ورىس ۇلتىنىڭ وكىلى تۇرادى. بۇل – بىلتىرعىدان 2% از. ەكىنشى جانە ءۇشىنشى ورىندا قاراعاندى وبلىسى (469،2 مىڭ ادام) مەن الماتى قالاسىندا (458،9 مىڭ ادام) جايعاسقان.

ورىس ەڭ از ءوڭىر قىزىلوردا وبلىسى: 14،1 مىڭ ادام – ءبىر جىل بۇرىنعىدان 1،8% از.

ءبىرىنشى جارتىجىلدىقتىڭ قورىتىندىسى بويىنشا قازاقستانعا 1،3 مىڭ ورىس كەلگەن – ءبىر جىل بۇرىنعىدان 5% ارتىق.

كەلگەندەردىڭ باسىم بولىگى الماتىعا قونىستاندى: 339 ادام. ودان كەيىن سولتۇستىك قازاقستان (152 ادام) جانە قوستاناي (143 ادام) وبلىستارى تۇر. ورىستار ەڭ از كەلگەن ءوڭىر قىزىلوردا وبلىسى: نەبارى 3 ادام.

سونىمەن بىرگە ەلدەن كەتكەن ورىستار سانى ءبىر جىلدا 15%-عا ازايىپ، 8،1 مىڭ ادامدى قۇراعان. كوپشىلىگى شىعىس قازاقستان (1،2 مىڭ ادام)، قاراعاندى (1 مىڭ ادام) جانە پاۆلودار (989 ادام) وبلىستارىنان كەتكەن.

ءبىرىنشى جارتىجىلدىقتىڭ قورىتىندىسى بويىنشا قر-عا كەلگەن ورىس ۇلتى ازاماتتارىنىڭ باسىم بولىگى رەسەيدەن كەلدى: ولار كەلگەن ورىس ۇلتتى ازاماتتاردىڭ 83،3%-ى نەمەسە 1،1 مىڭ ادام. ودان كەيىن وزبەكستان، قىرعىزستان، گەرمانيا، بەلارۋس جانە ۋكراينادان كەلدى.

كەتكەن ورىستاردىڭ باسىم بولىگى دە نەگىزىنەن رف-نى تاڭداعان: 91،7%-ى نەمەسە 7،4 مىڭ، الايدا كورسەتكىش بىلتىرعىدان 15،4%-عا ازايدى. ورىستار كەتكەن باسقا ەلدەرقاتارىندا گەرمانيا، بەلارۋس، اقش، پولشا جانە كانادا.

سوڭى ون جىلداعى دەرەكتەر قازاقستاننان رەسەيگە كەتىپ جاتقان ورىستار سانى كەمىپ جاتقانىن كورسەتەدى. ورىستار رەسەيگە بەس جىل بۇرىنعى وسى كەزەڭمەن سالىستىرعاندا 23،9%، ون جىل بۇرىنعىدان 11،7 پايىزعا از كەتەدى.