باس پروكۋروردىڭ ورىنباسارى اسەت شىندالييەۆ الەۋمەتتىك جەلىدە قىزۋ تالقىلانعان كاسىپكەر راميل مۋحورياپوۆتىڭ سوزىنە قاتىستى تەكسەرۋ جۇمىستارى جۇرگىزىلىپ جاتقانىن ايتتى. ول كاسىپكەردىڭ ۆيدەوسىنا قاتىستى جەكە پىكىر بەرۋدەن باس تارتتى.
"مەنىڭ بىلۋىمشە، ءقازىر الماتى پوليسيا دەپارتامەنتى تاراپىنان تەكسەرۋ جۇرگىزىلۋدە. ءتيىستى ساراپتاما تاعايىندالدى. ساراپتاما ناتيجەلەرى بويىنشا ودان ءارى شەشىم قابىلدانادى" دەدى اسەت شىندالييەۆ.
Chocofamily باسشىسى راميل مۋحورياپوۆتىڭ قازاقشا بىلمەيتىن وزگە ۇلت وكىلدەرىنە ورىسشا بىلە تۇرا قازاق تىلىندە جاۋاپ بەرۋ مادەنيەتسىزدىك ەكەنىن ايتقان ۆيدەوسى داۋ تۋدىرعان. مۇنداي مالىمدەمەنى كاسىپكەر رەسەيدەن قازاقستانعا كوشىپ كەلگەندەرمەن كەزدەسۋ كەزىندە ايتقان. اتالعان وقيعادان سوڭ قازاقستاندىقتار Chocofamily ونىمدەرىنە بايكوت جاريالاپ، نارازىلىق بىلدىرە باستادى. كەيىن راميل مۋحورياپوۆ الەۋمەتتىك جەلى ارقىلى كەشىرىم سۇرادى. ونىڭ ۇستىنەن باس پروكۋراتۋراعا دەپۋتاتتار، جەكەلەگەن ازاماتتار ارىزداندى.
پىكىر قالدىرۋ