بۇرىنعى دەنساۋلىق ساقتاۋ ءمينيسترى ەلجان ءبىرتانوۆ 5 جىلعا بوستاندىعىن شەكتەۋ جازاسىنا كەسىلدى.
ول "قىزمەتتىك وكىلەتىن اسىرا پايدالاندى" ايىبى بويىنشا كىنالى دەپ تانىلدى. سونداي-اق وعان بەرىلگەن "قۇرمەت" وردەنى قايتىپ الىنادى.
ءبىرتانوۆ مينيسترلىكتى 2017-2020 جىلدار ارالىعىندا باسقارعان. وعان دەنساۋلىق ساقتاۋ سالاسىنداعى اقپاراتتىق جۇيەنى جاساۋعا بايلانىستى ورىندالماعان جۇمىس ءۇشىن اكتكە جۇمىس تولىق كولەمدە ورىندالدى دەپ قول قويۋعا تاپسىرما بەردى دەگەن ايىپ تاعىلعان. ساناۆياسيانى جەكە ماقساتىنا قولداندى دەگەن ايىپ تەرىسكە شىعارىلدى.
پروكۋرور ونى 6 ايعا قاماۋدى سۇراعان، الايدا سوت ءبىرتانوۆتى قاماماي، تەك بوستاندىعىن شەكتەۋ تۋرالى ۇكىم شىعاردى.
ال ەكس مينيستر سوت شەشىمىمەن كەلىسپەيتىنىن، اپپەلياسيالىق شاعىم تۇسىرەتىنىن ايتتى.
"ءبىز سوت شەشىمىمەن كەلىسپەيمىز. ءار ازاماتتىڭ ءوز قۇقىعى بار. قورعاۋشىلارمەن اقىلداسىپ، سويلەسەمىز"، دەدى ەرجان ءبىرتانوۆ.
پىكىر قالدىرۋ