الماتى وبلىسىنىڭ اكىمى مارات سۇلتانعازييەۆ پەن «OCEANMAN KAZAKHSTAN» فرانشيزاسىنىڭ يەسى ەرالى ورالوۆ قاپشاعاي سۋ قويماسىندا اشىق سۋدا ەكىنشى ءجۇزۋدى وتكىزۋ تۋرالى مەموراندۋمعا قول قويدى، دەپ حابارلادى ءوڭىردىڭ باسپا ءسوز قىزمەتى.

قۇجاتقا قول قويۋ ءراسىمى بارىسىندا وبلىس اكىمى مارات سۇلتانعازييەۆ بيىلعى جىلى وتكەن ءىس-شارانىڭ العاشقى باستاۋى قازاقستاندىقتار مەن جاقىن جانە الىس شەتەلدەردەن كەلگەن سپورتشىلاردىڭ ۇلكەن قىزىعۋشىلىعىن بىلدىرگەنىن اتاپ ءوتتى.

ءوز كەزەگىندە فرانشيزا يەسى ەرالى ورالوۆ كەلەسى ماۋسىمدا قاتىسۋشىلار سانى ءتورت دەڭگەي بويىنشا 1800 قاتىسۋشىعا دەيىن ارتاتىنىن مالىمدەدى.

«OCEANMAN KAZAKHSTAN» اشىق سۋدا ءجۇزۋ سايىسى ەكىنشى رەت 2023 جىلعى 1-2 شىلدەدە قاپشاعاي سۋ قويماسىندا وتەدى. ۇيىمداستىرۋشىلار باستاپقى قاشىقتىعىن وزگەرتپەۋگە شەشىم قابىلدادى. HALF OCEANMAN (5 كم) جانە SPRINT (1،5 كم) ءۇشىن 600 ورىن، ال تولىق OCEANMAN (10 كم) جانە بالالار «OCEANKIDS» (800 م) ءجۇزۋ ءۇشىن 300 ورىن قاراستىرىلعان.

2022 جىلدىڭ شىلدەسىندە وتكەن OCEANMAN KAZAKHSTAN ءبىرىنشى ستارتى وتاندىق ءجۇزۋ ماۋسىمىنىڭ باستى وقيعالارىنىڭ بىرىنە اينالعانىن ەستەرىڭىزگە سالامىز. وعان الەمنىڭ تۇكپىر-تۇكپىرىنەن كەلگەن سپورتشىلار مەن اۋەسقويلار قىزىعۋشىلىق تانىتتى: ءتورت قاشىقتىققا جۇزۋگە 7 ەلدەن 1200 قاتىسۋشى تىركەلدى. جارىس باستالعان كۇنى قاپشاعاي سۋ قويماسىندا جۇزۋشىلەر مەن جانكۇيەرلەردى قوسقاندا 3 مىڭنان استام ادام بولدى.

بۇرىنعىداي «OCEANMAN KAZAKHSTAN» قازاقستان رەسپۋبليكاسى مادەنيەت جانە سپورت مينيسترلىگى، «Kazakh Tourism» ۇلتتىق كومپانياسى، الماتى وبلىسى اكىمدىگىنىڭ قولداۋىمەن ۇيىمداستىرىلادى. باس سەرىكتەس – «سامۇرىق-قازىنا» ۇلتتىق ءال-اۋقات قورى» اق جانە «Sport Qory» تۋريزم جانە سپورت سالاسىن قولداۋ قورى. ال «Freedom Holding Corp» ينۆەستيسيالىق توبى باس دەمەۋشى.