قازاقستان كارىستەرى بىرلەستىگى ءتوراعاسىنىڭ كەڭەسشىسى گەورگيي كان الماتىداعى "مادەنيەت ۇيىندە" جاستارعا ارنالعان قانداي باعدارلامالار بار ەكەنىن ايتتى. ونىڭ ايتۋىنشا ۇيىرمەلەردە ەڭ الدىمەن مەملەكەتتىك ءتىل قازاق ءتىلىن، كەيىن ءار ۇلت وكىلىنە ءوزىنىڭ انا ءتىلىن ۇيرەتەدى. بۇل تۋرالى قوعامدىق كەلىسىم ۇيىمى جۇمىسىنىڭ 9 ايداعى قورىتىندىسى مەن پرەزيدەنت جولداۋىنا وراي ەتنومادەني ورتالىقتارعا قولداۋ كورسەتۋ شارالارى تۋرالى وتكەن الماتىداعى ورتالىق كوممۋنيكاسيالار قىزمەتىندەگى بريفينگ بارىسىندا ءمالىم ەتتى.

"ءبىزدىڭ بولاشاعىمىز – جاستار. جاستار بولماسا ءبىزدىڭ ەتنومادەني قاۋىمداستىق تا، باسقا مەكەمەلەر دە بولمايتىن ەدى. كەز كەلگەن مەكەمەنىڭ جاستارعا ارنالعان باعدارلامالارى مەن ۇيىمدارى بولادى. سول سەكىلدى بىزدە دە اسسامبلەيا اياسىندا جاستار اسسامبلەياسى جۇمىس ىستەيدى. بۇل ۇيىم رەسپۋبليكا بويىنشا جاستاردىڭ باسىن قوسىپ، ماڭىزدى ءىس-شارالار ۇيىمداستىرىپ وتىرادى. ۇيىمداردىڭ ەڭ باستى مىندەتى – بەلسەندىلىك. ءقازىر ەلىمىزدە وتە بەلسەندى ءارى كرەاتيۆتى جاستار ءوسىپ كەلەدى. الايدا كوبىنىڭ تاجىريبەسى جوق. سول سەبەپتى ءبىز جاستاردىڭ تاجىريبە جيناقتاپ، بەلسەندىلىگىن قولدانۋ ءۇشىن ءتۇرلى باعدارلامالار جاساقتادىق. جاستار ءوزىنىڭ كۇش-قۋاتىن وزىنە پايداسىن جولدا جۇمساماسىن دەگەن نيەتپەن ءتۇرلى فورۋمدار ۇيىمداستىرالادى. جاستار اسسامبلەياسى ءبىر عانا باعىتتا ەمەس بىرنەشە باعىت بويىنشا جۇمىس ىستەپ كەلەدى. سونداي-اق اتالعان ۇيىم تەك اسسامبلەياداعى جاستارمەن عانا ەمەس جالپى بارلىق جاس ازاماتتارمەن جۇمىس ىستەيدى. ارينە، ۋنيۆەرسيتەتتەر مەن كوللەدجدەگى جاستارمەن جۇمىس ىستەۋ الدەقايدا جەڭىل. ءبىراق بۇدان باسقا دا جاستار بار ەمەس پە؟! ولارمەن دە بىرگە جۇمىس ىستەپ، بەلسەندىلىگى مەن تاجىريبەسىن ارتتىرۋ ءۇشىن جۇمىس ىستەۋ كەرەك. بۇل تەك ءبىزدىڭ عانا ەمەس بارلىعىمىزدىڭ مىندەتىمىز دەپ بىلەمىن"، دەيدى ءتوراعا.

"مەدەنيەت ۇيىندەگى" ءتىل ۇيرەتۋ، ءان جانە بي ۇيىرمەلەرى مەملەكەت تاراپىنان قارجىلاندىرىلادى ەكەن. 

"ءتىل ءبىلۋ، بي، ءان ايتۋ ۇيىرمەلەرى – مەملەكەتتىك باعدارلامالار. بارلىق ەتنوبىرلەستىك قاۋىمداستىعى اتىنان مەن سىزدەردى الماتىداعى «مادەنيەت ۇيىنە» شاقىرامىن. سول جەردە قالاي جۇمىس ىستەپ، قانداي شارالار وتكىزىپ جاتقاندارىڭىزدى ءوز كوزىڭىزبەن كورەتىن بولاسىزدار. بىزدەگى ۇيىرمەلەردە ەڭ الدىمەن مەملەكەتتىك ءتىل قازاق ءتىلى ۇيرەتىنەدى. سودان سوڭ ءار ەتنوس وكىلىنە ءوز انا ءتىلى ۇيرەتىلەدى. مۇنىڭ ءبارى زاڭمەن بەكىتىلگەن، مەملەكەت تاراپىنان قارجىلاندىرىلىپ وتىر. بۇدان بولەك ءان ايتۋدى، بيلەۋدى ۇيرەتەتىن ارنايى ۇيىرمەلەرىمىز دە بار. ءاربىر ەتنوس مادەنيەتىندەگى بي مەن ءاننىڭ ءرولى ەرەكشە. ءار ۇلتتىڭ ءتىلىن دە، ءدىنىن دە، ۇلتتىق كيىمدەرىن دە ءان مەن بيدەن كورىنىس تاباتىنى انىق. سول سەبەپتى بۇل باعىت ءبىزدىڭ ەڭ باستى جۇمىستارىمىزدىڭ ءبىرى.  وسى باعىت بويىنشا بارلىق جاعداي جاسالىپ، قاجەتتى جابدىقتارمەن قامتاماسىز ەتىلگەن"، دەيدى گەورگيي كان.