قازاقستان كارىستەرى بىرلەستىگى ءتوراعاسىنىڭ كەڭەسشىسى گەورگيي كان قازاقستان حالقى اسسامبلەياسى پرەزيدەنت جولداۋىن جۇزەگە اسىرۋ بويىنشا قانداي ءىس-شارالار اتقاراتىنىن ايتىپ ءوتتى.

– بيىلعى جىل تراگەديالىق وقيعالارمەن باستالعانىن بىلەمىز. مەملەكەت باسشىسى بيىل، ءبىر جىلدا حالىق الدىنا ەكى جولداۋمەن شىقتى. العاشقىسى قاڭتارداعى وقيعالاردان كەيىن ناۋرىزدىڭ 16-سىندا تانىستىرىلدى. سول جەردە العاش رەت "جاڭا قازاقستان" باعدارلامالىق تەزيسى تۋرالى ايتىلدى. ال 1 قىركۇيەكتەگى جولداۋدا "جاڭا قازاقستان" باعدارلاماسى ناقتىلانىپ، جۇيەلەنە ءتۇستى. "ادىلەتتى قازاقستان" تۇسىنىگى تۋرالى كوپ ءسوز بولدى. ءال ادىلەتسىزدىك قاڭتار وقيعاسىنا بىردەن-بىر سەبەپ بولعان فاكتور. ۇلت بايلىعى ادىلەتسىز بولىنگەنى تىلگە تيەك ەتىلدى. ال جولداۋدا ايتىلعان ءار ازاماتقا تەڭ مۇمكىندىك بەرىلۋى كەرەكتىگى، ادىلەت ورناۋ قاجەتتىگى تۋرالى باستامالار ادامداردى ىنتالاندىرادى. جولداۋدا سونداي-اق ادامداردىڭ ساناسى، كوڭىل-كۇيى وزگەرگەنىن، ناقتى ءىس كەرەگىنە باسا نازار اۋدارىلعان. جاڭا ادامدار، بىرلىك كەرەك، – دەيدى ول.

گەورگيي كان قازىرگى ۋاقىتتا رەسپۋبليكالىق، قالالىق دوستىق ۇيلەرىندە جولداۋداعى مىندەتتەردى ورىنداۋ بويىنشا ءتيىستى جۇمىستاردى ايقىنداۋ ءۇشىن كەزدەسۋ، تالقىلاۋلار ءوتىپ جاتقانىن ايتادى.

– بۇل جەردە ءار ەتنوستىڭ جۇمىلا كىرىسكەنى اسا ماڭىزدى. 1 قىركۇيەك جولداۋ جاريالانسا، اراعا 10 كۇن سالىپ، 11 قىركۇيەكتە الماتىدا كارىستەر سەزىن وتكىزدىك. وعان ايماقتاردان دەلەگاتتار كەلىپ، جولداۋدى تالقىلاپ، كارىستەر قاۋىمداستىعى، مادەني بىرلەستىكتەر جولداۋدى ورىنداۋداعى ءار ادامنىڭ قىزمەتى تۋرالى كەڭەستىك. اينالاعا قاراپ، الەمدە نە بولىپ جاتقانىن قاراساق، قازاقستان بۋىرقانعان ورتاداعى تۇراقتىلىق كورىنىسى بولىپ وتىرعانىن بايقايمىز. الدا پرەزيدەنت سايلاۋى كەلە جاتىر. ول جەردە دە جاڭا باعدارلامالار بار. 7 جىلدىق، ءبىراق ءبىر عانا مەرزىم، جاڭا پارلامەنت، جاڭا ءماسليحات تۋرالى ايتىلدى. بۇل جەردە دە سەنىم مانداتى كەرەك. بولاشاعىمىز وسى وقيعالارعا تىعىز بايلانىستى. سوندىقتان بۇگىندە وسى وزەكتى ماسەلەلەردى شەشۋدەن اسقان ماڭىزدى شارۋا جوق. بۇل ىسكە ءبارىمىز جۇمىلىپ كىرىسىپ كەتتىك. حالىقتىق كواليسيا ۇسىنعان قاسىم-جومارت توقايەۆتىڭ كانديداتۋراسىن قولدايمىز. بۇنى حالىقتىق كواليسيا قۇرامىنا كىرەتىن اسسامبلەيا قالاي قولدامايدى... قازىرگى تاڭدا ءوزىمىزدىڭ قۇرىلىمدىق جاعدايىمىزعا قاراي ناقتى جوسپارىمىز بار. ارينە ءبىز وزىمىزگە ءتيىستى ەمەس قارجى مينيسترلىگىنىڭ، ەڭبەك مينيسترلىگىنىڭ ماسەلەسىن شەشە الماسپىز، ءبىراق ءبىز بارىنە اتسالىسا الامىز. ءبىز كەشە عانا اتىراۋدا كارىس مادەني ورتالىعىندا بولدىق. ول جەردە قازاقستان مەن كورەيا رەسپۋبليكالارى اراسىنداعى ديپلوماتيالىق قارىم-قاتىناس ورناعانىنا 30 جىل تولۋىنا وراي، جولداۋدى جۇزەگە اسىرۋعا بايلانىستى  ارنايى ءىس-شارالار ۇيىمداستىرىلدى. وبلىس اكىمىمەن جولىعىپ، ول جەردە كورەياعا جۇمىسقا بارىپ جاتقان وتانداستىرىمىزدىڭ قىزمەتىن زاڭداستىرۋ جاعىن تالقىلادىق. بۇنىڭ ءبارى جاڭا قازاقستاندا ازاماتتاردىڭ جايلى جاي-كۇيىن قامتاماسىز ەتۋ باعىتىنداعى شارۋالار. بيىلعى جولداۋ باعدارلامالىق سترەتەگيانىڭ الگاريتمى بولىپ وتىر. سونى باسا نازارعا الىپ، جۇمىس جۇرگىزسەك بولدى، باسقا بىردەڭە ويلاپ تابۋدىڭ قاجەتى جوق. اركىم ءوز سالاسىنان اتسالىسسا، سوندا جاڭا قازاقستاندى قۇرامىز، – گەورگيي كان الماتىداعى ورتالىق كوممۋنيكاسيالار قىزمەتىندەگى بريفينگتە.